Каятонас Алякнавічус

Каятонас Алякнавічус
Асабістыя звесткі
Дата нараджэння	26 студзеня 1804(1804-01-26)
Месца нараджэння	Цярпейкей[d], Subačius eldership[d], Купішкаўскі раён[d], Літва
Дата смерці	2 снежня 1874(1874-12-02) (70 гадоў)
Месца смерці	Асава, Пагародзенскі сельсавет, Воранаўскі раён, Беларусь
Грамадзянства	Расійская імперыя
Альма-матар	Віленская каталіцкая духоўная семінарыя (1832)
Прафесійная дзейнасць
Род дзейнасці	пісьменнік, паэт, ксёндз
Мова твораў	літоўская мова

Каятонас Алякнавічус, Каятан Аляхновіч (літ.: Kajetonas Aleknavičius; 26 студзеня 1804 Цярпейкей, каля Купішкаў — 2 снежня 1874, Асава, цяпер Воранаўскі раён Гродзенскай вобласці, Беларусь) — літоўскі паэт, ксёндз.

Біяграфія

Навучаўся ў трашкунскай шасцікласнай школе. У 1827 г. уступіў у віленскі кляштар канонікаў латэранскіх. У 1832 скончыў Віленскую духоўную семінарыю. Быў ксяндзом у Абеле, Панямунцы, Кедайнах, Сумілішках, з 1848 г. у Мерачы, адкуль за падтрымку паўстання 1863 г. у 1867 г. быў пераведзены ў мястэчка Асава.

Пачынальнік жанру фельетона ў літоўскай літаратуры, ён адзін з першых пачаў пісаць вершы для дзяцей. Яго паэзія мае народнае светаадчуванне, яна насычана рэаліямі вясковага жыцця, напісана на жывой дасціпнай гаворцы простых людзей з выкарыстаннем народных паэтызмаў. Выдаў зборнікі паэзіі «Pasakos, pritikimai, veselios ir giesmės» (бел.: Казкі, прыгоды, весялосці і гімны), (1861). У форме дыялогу падрыхтаваў лемантар «Elementorius, arba Lengvas mokslas skaityt Rašto švento» (бел.: Лемантар, альбо Лёгкая навука чытаць Святое Пісанне), 1846.

Літаратура

• Daiva Krištopaitienė. Aleknavičius, Kajetonas. Lietuvių literatūros enciklopedija. Lietuvių literatūros ir tautosakos institutas. — Vilnius, 2001. — ISBN 9986-513-95-2
• Kajetono Aleknavičiaus eilėraštis «Motka ir reikalas mokslo vaikams» Архівавана 21 мая 2024.