Леан Патоцкі

Леан Патоцкі
Нараджэнне	14 ліпеня 1799(1799-07-14) Коханава, Аршанскі павет, Беларуская губерня, Расійская імперыя
Смерць	6 снежня 1864(1864-12-06) (65 гадоў) Рыга, Ліфляндская губерня, Расійская імперыя
Род	Патоцкія
Бацька	Станіслаў Фларыян Патоцкі
Маці	Юзэфа з Салагубаў
Жонка	Юзэфа з Касакоўскіх[d]
Дзеці	Ядвіга з Патоцкіх[d]
Адукацыя	Свіслацкая гімназія
Узнагароды

Леан Патоцкі (14 ліпеня 1799(1799-07-14), Коханава, Беларуская губерня — 6 снежня 1864(1864-12-06), Рыга; Псеўданімы: Bonawentura z Kochanowa) — мемуарыст.

Біяграфія

З роду графаў Патоцкіх. Бацька -- Станіслаў Фларыян, актыўны ўдзельнік палітычнага жыцця Рэчы Паспалітай, ад'ютант Тадэвуша Касцюшкі, а ў часы Варшаўскага герцагства — Фрыдрыха Аўгуста. Маці — Юзэфа з Салагубаў.

Дзяцінства і маладосць Леан Патоцкі прайшлоў у вышэйшым свеце Варшавы. Вучыўся ў Свіслацкай гімназіі, скончыў Варшаўскі ўніверсітэт. Разам з айчымам, Тадэвушам Тышкевічам, актыўна ўдзельнічаў у паўстанні 1830—1831 гадоў на тэрыторыі Літвы.

Найбольш вядомы яго 3-томны твор «Мемуары пана Камертона», выдадзены пасмяротна. У «Мемуарах…» апісаны гістарычныя мясціны і помнікі, паданні, песні, звычаі і абрады літоўскага народа на тэрыторыі Курляндыі і Жамойці. Таксама «Мемуары…» змяшчаюць апісанні і звесткі пра стан буйных магнацкіх рэзідэнцый 1820-1840-х гадоў, у тым ліку тышкевічавай Свіслачы, сапегавых Дзярэчына і Ружанаў, радзівілаўскага Нясвіжа, Ляхавічаў часоў гетмана Міхала Масальскага, Зэльвы. Леан Патоцкі пісаў не толькі пра сустрэчы з уладальнікамі рэзідэнцый, але дае і гістарычныя звесткі, паданні, анекдоты пра ўладальнікаў, гісторыю старажытных родаў.

Літаратура

• Патоцкі Л. Успаміны пра Тышкевічаву Свіслач, Дзярэчын і Ружану / Л. Патоцкі; укл., прадмова, камент. А. М. Філатавай; пер. з польск. І. У. Саламевіча. — Мн., 1997.