Лісна (возера)

З пляцоўкі Вікіпедыя
Jump to navigation Jump to search
Лісна
Возера Лісна з боку вёскі Лісна
Возера Лісна з боку вёскі Лісна
Каардынаты: 56°04′25″ пн. ш. 28°24′59″ у. д.HGЯO
Краіна Flag of Belarus.svg Беларусь
Вышыня над узроўнем мора 124 м
Даўжыня 7,80 км
Шырыня 3,10 км
Плошча 15,71 км²
Аб'ём 40,29 км³
Даўжыня берагавой лініі 25,3 км
Найбольшая глыбіня 6,1 м
Празрыстасць 1,0 м
Плошча вадазбору 943 км²
Упадаюць рака Свольна
Выцякаюць Рака Свольна
Лісна (Беларусь)
Лісна
Лісна
Лісна (Віцебская вобласць)
Лісна
Лісна
Лагатып Вікісховішча Лісна на Вікісховішчы

Лі́снавозера ў Верхнядзвінскім раёне Віцебскай вобласці; паўночны бераг возера мяжуе з Себежскага раёнам Пскоўскай вобласці. Размешчана за 42 км на паўночны ўсход ад Верхнядзвінска, уваходзіць у Себежскую групу азёр.

Апісанне[правіць | правіць зыходнік]

Лісна адносіцца да ліку неглыбокіх азёр. Катлавіна падпруднага тыпу, выцягнутая з поўначы на поўдзень на 7,8 км. Берагавая лінія мае простыя і плаўныя абрысы. На захадзе і поўдні схілы надводнай часткі высокія (да 15—20 м), стромкія, нярэдка абрывістыя, паўднёва-заходнія дасягаюць вышыні 30 м і крута абрываюцца да зрэзу вады. Паўночныя і ўсходнія схілы не выяўленыя, забалочаныя, пакрытыя рэдкім сасновым лесам.

У паўднёвай частцы возера маецца даволі буйны востраў, які аддзяляе ад асноўнага люстэрка інтэнсіўна зарастаючы заліў.

Праз возера працякае рака Свольна (басейн Заходняй Дзвіны). З Асвейскім возерам злучаецца праз канал Дзегцяроўку і раку Старую. Упадае Паплаўская канава з возера Белае[1], ручай з возера Малы Тучак, ручаі.

На возеры[правіць | правіць зыходнік]

На беразе возера знаходзяцца наступныя населеныя пункты:

На беразе возера, за 0,5 км на паўднёвы ўсход ад вёскі Дзянісенкі знаходзіцца курганны могільнік крывічоў (X—XII ст.)[2].

Раслінны свет[правіць | правіць зыходнік]

Невялікія глыбіні возера і шырокая літараль спрыяюць інтэнсіўнаму зарастанню возера. Паласа расліннасці практычна паўсюдна дасягае 100—200 м. Суцэльнае зарастанне адзначана ў заліве ля ўсходняга берага, які практычна цалкам аддзелены ад возера востравам. Глыбіня распаўсюджвання падводных макрафітаў дасягае 2 м, і толькі зрэдку да 2,6 м.

Жывёльны свет[правіць | правіць зыходнік]

Іхціяфаўна возера ляшчова-шчупакова-лінёвая. Акрамя таго, у возеры водзяцца акунь, плотка, судак, сом, вугор, карась. Вядзецца перыядычны прамысловы лоў рыбы.

Экалогія[правіць | правіць зыходнік]

Возера Лісна з боку вёскі Дзянісенкі

Берагі возера слаба заселеныя. У межах водазбору адсутнічаюць прамысловыя прадпрыемствы, а шырокая паласа лесу вакол затрымлівае сельскагаспадарчае забруджванне. Усё гэта абумоўлівае высокую якасць вады і прыцягвае турыстаў.

З 1995 г. па 1999 г. возера і навакольныя лясы ўваходзілі ў склад ландшафтнага заказніка «Чырвоны бор». З 2000 г. возера з тэрыторыяй заходняга і паўднёвага берагоў уваходзяць адносяцца да Асвейскага ландшафтнага заказніка.

Гаспадарка[правіць | правіць зыходнік]

Водныя рэсурсы возера заарандаваныя ТАА "Інтэрсервіс" (Наваполацк). З гэтай прычыны аматарская лоўля рыбы ў возеры абмежаваная.

Зноскі

  1. Ліст карты O-35-141
  2. Энцыклапедыя гісторыі Беларусі. У 6 т. Т. 3: Гімназіі — Кадэнцыя / Беларус. Энцыкл.; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 1996. — 527 с.: іл. ISBN 985-11-0041-2.