Макс Моўшавіч Шляймовіч

З пляцоўкі Вікіпедыя
Jump to navigation Jump to search
Макс Моўшавіч Шляймовіч
Дата нараджэння: 14 кастрычніка 1941(1941-10-14) (78 гадоў)
Месца нараджэння:
Альма-матар:
Месца працы:
Узнагароды:

Макс Моўшавіч Шляймовіч (14 кастрычніка 1941, г. Пенза) — беларускі архітэктар.

Біяграфія[правіць | правіць зыходнік]

Бацькі паходзілі з Мінска. Пасля пачатку Вялікай Айчыннай вайны маці ўдалося эвакуіравацца ў Пензу[1], дзе 14 кастрычніка 1941 года і нарадзіўся Макс. Бацька прайшоў усю вайну, а пасля яе заканчэння некаторы час служыў у Германіі, куды да яго пераехала жонка з сынам. У 1947 годзе бацьку дэмабілізавалі, сям’я вярнуліся ў Мінск. Маці ўдалося атрымаць пакой у кватэры на вуліцы Даўгабродскай каля вайсковых могілак[1].

Скончыў Сярэднюю школу № 4. Пасля пайшоў вучыцца на будаўніка ў Мінскі будаўнічы тэхнікум, дзе пасябраваў з сынам знакамітага беларускага архітэктара Авеля Пінхусавіча Брэгмана, пад уплыў яго ён трапіў[1].

Пасля заканчэння тэхнікума працаваў у 19601961 гадах тэхнікам-архітэктарам ў Мінгарпраекце[2]. Тры гады служыў у Савецкай Арміі ў Маскве, дзе яму дазволілі наведваць падрыхтоўчыя курсы пры Маскоўскім архітэктурным інстытуце[1].

Дэмабілізаваны ў 1964 годзе, вярнуўся ў Мінск[1], дзе паступіў ў БПІ, які скончыў у 1969 годзе. У 19691971 старшы архітэктар Віцебскага філіяла інстытута «Белдзяржпраект», 1971—1981 галоўны архітэктар Наваполацка (адначасова у 19811988 гадах кіраўнік майстэрні БелНДІПгорадабудаўніцтва)[2]. У 19871988 гг. на базе архітэктурнай майстэрні і падраздзялення «Віцебскграмадзянпраект» у Полацку быў створаны Наваполацкі філіял. Працаваў да 2003 года галоўным архітэктарам філіяла. З 2004 года выкладчык кафедры «Архітэктура» Полацкага дзяржаўнага ўніверсітэта[1].

Творачасць[правіць | правіць зыходнік]

Асноўныя работы ў Наваполацку: удзельнік рэалізацыі генеральнага плана горада, праекта дэталёвай планіроўкі, праектаў забудовы мікрараёнаў 4, 5, 6, 7, 8, 9, шэрага жылых і адміністрацыйных будынкаў (Дзяржаўная прэмія БССР 1984)[2].Удзельнічаў у распрацоўцы мікрараёнаў 1 (1988—1989) і 2 (1998) жылога раёна «Аэрапорт» у Полацку, праекта школы № 18[1].

Сям’я[правіць | правіць зыходнік]

Мае дачку (нар. 1969).

Зноскі

  1. 1,0 1,1 1,2 1,3 1,4 1,5 1,6 М. М. Шлеймович: «Архитектор — это художник, инженер и ученый!»
  2. 2,0 2,1 2,2 Шляймовіч Макс Моўшавіч // Архітэктура Беларусі: Энцыклапедычны даведнік. — Мн.: БелЭн, 1993.

Літаратура[правіць | правіць зыходнік]

  • Шляймовіч Макс Моўшавіч // Архітэктура Беларусі: Энцыклапедычны даведнік. — Мн.: БелЭн, 1993.

Спасылкі[правіць | правіць зыходнік]