Мары Дрэслер

З пляцоўкі Вікіпедыя
Jump to navigation Jump to search
Мэры Дрэслер
Marie Dressler
Marie Dressler portrait crop.jpg
Дата нараджэння: 9 лістапада 1868(1868-11-09)
Месца нараджэння: Кобарг, Правінцыя Антарыа, Канада
Дата смерці: 28 ліпеня 1934(1934-07-28) (65 гадоў)
Месца смерці: Санта-Барбара, Каліфорнія, ЗША
Месца пахавання:
Грамадзянства:
Прафесія:
Кар'ера: 19141933
Узнагароды: «Оскар» (1931)
IMDb: ID 0237597
Commons-logo.svg Мэры Дрэслер на ВікіСховішчы

Мары Дрэслер (англ.: Marie Dressler, 9 лістапада 186828 ліпеня 1934) — канада-амерыканская актрыса, уладальніца прэміі «Оскар».

Біяграфія[правіць | правіць зыходнік]

Дрэслер, народжаная Лэйла Мары Корбер, нарадзілася ў канадскім горадзе Кобарг 9 лістапада 1868 года ў сям'і аўстрыйца Аляксандра Рудольфа Корбера і яго жонкі Ганны Хендэрсан. Яе акцёрскі талент выявіўся яшчэ ў дзіцячым узросце, а яе кар'ера на сцэне пачалася яшчэ ў 14 гадоў. У 1892 годзе яна дэбютавала на Брадвеі. Мары першапачаткова хацела стаць опернай спявачкай, але ўсё ж схілілася да вадэвіля. У пачатку 1900-х гадоў яна была ўжо адной з самых яркіх зорак у вадэвіля. У 1909 і 1910 гадах запісала 2 пласцінкі на «Edison Records».

У 1902 годзе яна пазнаёмілася з маладым канадскім акцёрам Макам Санетам і дапамагла яму атрымаць працу ў тэатры. Пасля таго як Санет стаў уладальнікам уласнай кінастудыі ён запрасіў Мары на ролю Цілі Бэнкс у свой фільм «Перапынены раман Цілі» (1914). У наступныя чатыры гады яна з'явілася яшчэ ў некалькіх фільмах, перш чым зноў не вярнулася ў вадэвілі.

У 1919 годзе пасля страйку акцёраў у Нью-Ёрку Акцёрская асацыяцыя прызначыла Дрэслер сваім першым прэзідэнтам. У 1927 годзе Мары патрапіла ў чорны спіс тэатральных прадзюсараў з-за таго, што прытрымлівалася жорсткай пазіцыі ў многіх акцёрскіх выступах. Але ў Мары заставалася шмат прыхільнікаў і сярод іх быў уладальнік MGM канадзец Луіс Б. Майер. Менавіта ён дапамог Дрэслер у 1927 годзе аднавіць яе кінакар'еру. Мары хутка дасягнула поспеху як кінаактрыса ў камедыях, нягледзячы на тое, што ўжо ёй ужо было 60 гадоў.

Зноскі

Спасылкі[правіць | правіць зыходнік]