Зборная Украіны па хакеі з шайбай

**Украіна**
Мянушкі	жовто-сині
Федэрацыя	Федэрацыя хакея Украіны
Трэнер	Андрэй Назараў
Капітан	Сяргей Кліменцьеў
Больш усіх гульняў	Васіль Баброўнікаў (182)
Бамбардзір	Віталь Літвіненка (43)
	Першая гульня; Украіна 1:5 Казахстан; (14 красавіка 1992, Санкт-Пецярбург, Расія)
	Самая буйная перамога; Бельгія 2:37 Украіна ; (13 сакавіка 1993, Блед, Славенія)
	Самае буйное паражэнне; Фінляндыя 9:0 Украіна ; (3 мая 2003, Хельсінкі, Фінляндыя)
Асноўная; форма	Гасцявая; форма
	Чэмпіянат свету
Удзел	9 (Упершыню 1999)
Дасягненні	9-е месца (2002)

Зборная Украіны па хакеі з шайбай — нацыянальная хакейная каманда Украіны, якая прадстаўляе краіну на міжнародных спаборніцтвах па хакеі з шайбай. У рэйтынгу ІІХФ за 2014 год знаходзіцца на 21 месцы^[1]. З 2008 года выступае ў дывізіёне I (другі паводле іерархіі чэмпіянатаў свету).

Кіруючы орган — Федэрацыя хакея Украіны; генеральны менеджар — Сяргей Шакураў, галоўны трэнер — Андрэй Назараў.

Гісторыя[правіць | правіць зыходнік]

З 1952 да 1991 украінскія хакеісты выступалі ў складзе зборнай каманды СССР. Першая сустрэча незалежнай зборнай Украіны адбылася на таварыскім турніры ў Санкт-Пецярбургу (Расія) 14 красавіка 1992 года супраць зборнай Казахстана; першая афіцыйная сустрэча — з тым жа супернікам 6 лістапада 1992 у Мінску (Беларусь) у рамках кваліфікацыйнага раўнду на чэмпіянат свету ў Дывізіёне «C». Гэтай падзеі папярэднічала стварэнне Федэрацыі хакея Украіны і яе ўваходжанне ў структуру Міжнароднай федэрацыі хакея з шайбай (ІІХФ), якое адбылося 6 мая.

З першых гадоў свайго існавання зборная Украіны змагалася ў трэцім дывізіёне хакейнага чэмпіянату свету. Прарыў у эліту адбыўся ў сезоне 1997—1998 гадоў, калі ўкраінцы спярша перамаглі ў турніры Дывізіёна «C», а праз год занялі 1-е месца ў Дывізіёне «B».

Цягам наступных 9 гадоў зборная Украіна заставалася ўдзельніцай элітнага Дывізіёна чэмпіянату свету, страціўшы месца ў сусветнай хакейнай эліце па выніках чэмпіянату свету 2007 года. Найвышэйшае дасягненне ўкраінскай зборнай за час удзелу на найвышэйшым узроўні — 9 месца ў 2002 года.

Каманда Украіны толькі адзін раз здолела пераадолець кваліфікацыйны раўнд для ўдзелу ў хакейным турніры Зімовых Алімпійскіх гульняў. На Алімпіядзе ў Солт-Лэйк-Сіці ўкраінцы распачалі свае выступы ў групе «B» папярэдняга групавога турніру, па хадзе якога здабылі перамогі над зборнымі Швейцарыі і Францыі, а таксама мінімальна саступілі 0:1 зборнай Беларусі. Дзякуючы гэтай перамозе адзіную пуцёўку на асноўны турнір атрымалі беларусы. Першы выступ на Алімпіядзе зборная Украіны скончыла разгромным паражэннем з лікам 2:9 ад зборнай Латвіі ў гульні за 9 месца.

Вынікі[правіць | правіць зыходнік]

Алімпійскія гульні[правіць | правіць зыходнік]

2002 — 10-е месца

Чэмпіянат свету[правіць | правіць зыходнік]

Год	Месца правядзення	Вынік	Галоўны трэнер
1993	Славенія	18-е месца (2-е ў групе «C»)	Аляксандр Фадзееў
1994	Славакія	23-е месца (3-е ў групе «C»)	Аляксандр Фадзееў
1995	Балгарыя	23-е месца (3-е ў групе «C»)	Анатоль Багданаў
1996	Славенія	22-е месца (2-е ў групе «C»)	Анатоль Багданаў
1997	Эстонія	21-е месца (1-е ў групе «C»)	Анатоль Багданаў
1998	Славенія	17-е месца (1-е ў групе «B»)	Анатоль Багданаў
1999	Нарвегія	14-е месца	Анатоль Багданаў
2000	Расія	14-е месца	Анатоль Багданаў
2001	Германія	10-е месца	Анатоль Багданаў
2002	Швецыя	9-е месца	Анатоль Багданаў
2003	Фінляндыя	12-е месца	Анатоль Багданаў
2004	Чэхія	14-е месца	Аляксандр Сеўканд
2005	Аўстрыя	11-е месца	Аляксандр Сеўканд
2006	Латвія	12-е месца	Аляксандр Сеўканд
2007	Расія	16-е месца	Аляксандр Сеўканд
2008	Японія	19-е месца (2-е ў дывізіёне IB)	Уладзімір Галубовіч
2009	Польшча	20-е месца (2-е ў дывізіёне IB)	Аляксандр Сеўканд
2010	Нідэрланды	19-е месца (2-е ў дывізіёне IA)	Міхаіл Захараў
2011	Украіна	21-е месца (3-е ў дывізіёне IB)	Дэйв Льюіс
2012	Славенія	22-е месца (6-е ў дывізіёне IA)	Анатоль Хаменка
2013	Украіна	23-е месца (1-е ў дывізіёне IB)	Аляксандр Кулікоў
2014	Рэспубліка Карэя		Андрэй Назараў