Міхаіл Рыгоравіч Солапаў

Міхаіл Рыгоравіч Солапаў
Міхаіл Рыгоравіч Солапаў
Дата нараджэння	15 кастрычніка 1924
Месца нараджэння	Пакроўскае[d], Пакроўскі сельсавет[d], Цярбунскі раён[d], Ліпецкая вобласць;
Дата смерці	6 чэрвеня 2019 (94 гады)
Краіна	Беларусь;
Альма-матар	Расійская акадэмія музыкі імя Гнесіных[d] (1955); Брэсцкі дзяржаўны музычны каледж імя Рыгора Шырмы;
Месца працы	Брэсцкі дзяржаўны музычны каледж імя Рыгора Шырмы; Беларуская дзяржаўная акадэмія музыкі;
Музычная дзейнасць
Прафесіі	баяніст, музычны педагог
Грамадская дзейнасць
Член у	БСТД; Саюз музычных дзеячаў Беларусі;
Узнагароды	; Заслужаны дзеяч мастацтваў Рэспублікі Беларусь (1992)

Міхаіл Рыгоравіч Солапаў (15 кастрычніка 1924, с. Пакроўскае, Цярбунскі раён, Ліпецкая вобласць, РСФСР) — беларускі баяніст, педагог, дзеяч самадзейнага мастацтва. Заслужаны дзеяч культуры Беларускай ССР (1963), Заслужаны дзеяч мастацтваў Беларусі (1992), прафесар (1993).

Біяграфія[правіць | правіць зыходнік]

Нарадзіўся ў сям’і музыкантаў-самавукаў: маці — пеўчая царкоўнага хору — іграла на ўсіх відах гарамонікаў, бацька валодаў трыма відамі гарамонікаў, працаваў шахцёрам, падзарабляў гарманістам на вяселлях^[1].

У 17 гадоў ён стаў ваеннаслужачым запаснога казацкага кавалерыйскага палка, пазней — курсантам Тамбоўскага кавалерыйскага вучылішча, па заканчэнні якога ў званні малодшага лейтэнанта адпраўлены на фронт. Камандаваў узводам танкавай разведкі, быў цяжка паранены^[1].

Скончыў у 1955 годзе Маскоўскі музычна-педагічны інстытут імя Гнесіных. Пасля дэмабілізацыі ў Беларусі, з 1948 года ў Брэсце^[2]. Скончыў Брэсцкае музычнае вучылішча, а ў 1951 годзе быў прызначаны яго дырэктарам^[1]. Выкладчык музычных навучальных устаноў, арганізатар калектываў мастацкай самадзейнасці, у т.л. сімфанічнага аркестра пры музычным вучылішчы (1950—1967), хору настаўнікаў (кіраўнік у 1961—1963 гадах) і інш.; у 1967—1970 гадах дырэктар Раснянскай дзіцячай музычнай школы Камянецкага раёна. З 1966 года ў Беларускай акадэміі музыкі (у 1973—1979 загадчык кафедры)^[2].

Член Беларускага саюза тэатральных дзеячаў з 1975 года, член Беларускага саюза музычных дзеячаў з 1991 года.

Творчасць[правіць | правіць зыходнік]

Аўтар апрацовак і інструментовак для аркестраў і ансамбляў розных складаў, сольных п’ес, песень, рамансаў. Склаў вучэбна-педагагічны рэпертуар для баяна, акардэона, фартэпіяна, цымбалаў, у т.л. «Падручнік для класа цымбал» (1977), праграмы па класе баяна для музычнага каледжа пры Беларускай акадэміі музыкі і па ўводзінах у спецыяльнасць для музычных вучылішчаў. Даследуе праблемы прафесійнага выканальніцкага мастацтва і мастацкай самадзейнасці. Складальнік кнігі «І. І. Жыновіч ва ўспамінах сучаснікаў» (1997)^[2].

Узнагароды[правіць | правіць зыходнік]

Быў узнагароджаны трыма ордэнамі «Айчыннай вайны» I і II ступені, васямнаццаццю медалямі^[1].

Зноскі

↑ ^а ^б ^в ^г Умер музыкальный деятель Михаил Солопов Архівавана 21 верасня 2020.
↑ ^а ^б ^в БелЭн 2002.

Літаратура[правіць | правіць зыходнік]

Скорабагатчанка А. В. Солапаў Міхаіл Рыгоравіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 79. — 10 000 экз. — ISBN 985-11-0035-8. — ISBN 985-11-0251-2 (т. 15).

Спасылкі[правіць | правіць зыходнік]

Солапаў Міхаіл Рыгоравіч на сайце анлайн-энцыклапедыі «Беларусь у асобах і падзеях»
«Няхай моладзь анёлы ахоўваюць…» // Газета «Культура», № 19 (1145) 10.05.2014 — 16.05.2014 г.
Солопов Михаил Григорьевич (руск.) // Праект «Память народа»
Солопов Михаил Григорьевич (руск.) // Сайт Асацыяцыі беларускіх баяністаў і акардыяністаў

[tut-1] а ^б ^в ^г Умер музыкальный деятель Михаил Солопов Архівавана 21 верасня 2020.

[FOOTNOTEБелЭн2002-2] а ^б ^в БелЭн 2002.

[1]

[2]