Міхась Уладзіміравіч Барэйша

Міхась Уладзіміравіч Барэйша
Міхась Уладзіміравіч Барэйша
Асабістыя звесткі
Дата нараджэння	4 студзеня 1950
Месца нараджэння	Новы Строй, Дзёрнавіцкі сельсавет, Дрысенскі раён, Полацкая вобласць, БССР, СССР;
Дата смерці	13 жніўня 1990 (40 гадоў)
Месца смерці	Беларусь;
Пахаванне	Сядлоўцы[d];
Грамадзянства	СССР;
Альма-матар	Наваполацкі дзяржаўны політэхнічны тэхнікум; факультэт журналістыкі БДУ;
Месца працы	Полацкі веснік; Палімір;
Прафесійная дзейнасць
Род дзейнасці	пісьменнік, празаік, перакладчык
Грамадская дзейнасць
Член у	Таварыства беларускай мовы імя Францішка Скарыны; Саюз пісьменнікаў СССР; Саюз журналістаў СССР[d]; Наддзвінне; Саюз беларускіх пісьменнікаў; Беларускі саюз журналістаў;

Міхась Уладзіміравіч Барэйша (нар. 4 студзеня 1950, в. Новы Лад, Верхнядзвінскі раён, Віцебская вобласць — 13 жніўня 1990, Беларусь) — беларускі паэт, празаік, перакладчык.

Біяграфія

Нарадзіўся 4 студзеня 1950 года ў вёсцы Новы Строй Верхнядзвінскага раёна^[1].

Вучыўся ў Дзёрнавіцкай васьмігодцы, з 1965 па 1969 год. У 1969 годзе скончыў Наваполацкі нафтавы тэхнікум. Працаваў машыністам, апаратчыкам на Полацкім хімічным камбінаце. Адначасова скончыў завочна факультэт журналістыкі Белдзяржуніверсітэта. У 1971—1973 гг. служыў на Балтыйскім флоце^[1]. Пасля дэмабілізацыі вярнуўся на камбінат. З’яўляўся няштатным карэспандэнтам гарадской газеты «Химик».

У 1981 годзе скончыў завочнае аддзяленне факультэта журналістыкі Беларускага дзяржаўнага ўніверсітэта^[1].

З 1980 года карэспандэнт, з 1983 — намеснік рэдактара полацкай аб’яднанай газеты «Сцяг камунізму»^[1]. Кіраваў літаратурным аб’яднаннем «Наддзвінне», быў намеснікам старшыні полацкай суполкі Таварыства беларускай мовы. Член Саюза пісьменнікаў СССР і Беларусі з 1989 года, член Саюза журналістаў СССР і Беларусі з 1981 года.

Пасля цяжкай хваробы памёр 13 жніўня 1990 года^[2]. Пахаваны на могілках в. Сядлоўцы Верхнядзвінскага раёна Віцебскай вобласці^[3]. Паводле іншай быў пахаваны ў Наваполацку або на могілках в. Новы Строй Верхнядзвінскага раёна^[1].

Творчасць

Друкавацца пачаў у 1973 годзе. У рэспубліканскім друку дэбютаваў у 1980 годзе. Апавяданні публікаваліся ў калектыўным зборніку «Сустрэча» (1985), анталогіі «Апавяданні пра Вялікую Айчынную». Героі твораў пісьменніка — людзі, якія імкнуцца адшукаць свой шлях у жыцці, нясуць адказнасць за ўсё, што ў ім адбываецца. Падзеі ваенных гадоў аналізуюцца аўтарам з пазіцый сённяшняга дня.

Другая кніга прозы «Крыніца, чыстая вадзіца» выйшла ў Мінску ў 1988 г^[1].

У 1980 годзе за публікацыю апавяданняў у часопісе «Маладосць» яму прысуджана прэмія гэтага выдання. М. Барэйша быў удзельнікам VIII Усесаюзнай нарады маладых літаратараў у Маскве.

Аўтар гумарэсак, нарысаў, эсэ.

Зноскі

↑ ^а ^б ^в ^г ^д ^е Барэйша Міхась – Белліт (бел.) (7 ліпеня 2023). Праверана 21 ліпеня 2024.
↑ Верхнядзвінская цэнтральная раённая бібліятэка імя Т. Хадкевіча Архівавана 5 студзеня 2020.
↑ Аблажэй — Брыль – Белліт (бел.) (14 ліпеня 2023). Праверана 21 ліпеня 2024.

Літаратура

Міхась Барэйша // Беларускія пісьменнікі (1917—1990) : даведнік / склад. А. К. Гардзіцкі. — Мінск : Мастацкая літаратура, 1994. — С. 51.
Урупіна, Г. М. Барэйша Міхась / Г. М. Урупіна // Беларускія пісьменнікі : біябібліяграфічны слоўнік : у 6 т. / рэдкал.: І. Э. Багдановіч [і інш.]; маст. рэд. В. Г. Загародні. — Мінск : БелЭн, 1992. — Т. 1 : Абуховіч-Ватацы. — С. 259—260.

Спасылкі

Барэйша (Міхась) Міхаіл Уладзіміравіч на сайце анлайн-энцыклапедыі «Беларусь у асобах і падзеях»

[:0-1] а ^б ^в ^г ^д ^е Барэйша Міхась – Белліт (бел.) (7 ліпеня 2023). Праверана 21 ліпеня 2024.

[2] Верхнядзвінская цэнтральная раённая бібліятэка імя Т. Хадкевіча Архівавана 5 студзеня 2020.

[3] Аблажэй — Брыль – Белліт (бел.) (14 ліпеня 2023). Праверана 21 ліпеня 2024.

[1]

[2]

[3]