Нараў
| Нараў | |
|---|---|
| польск. Narew | |
 Рака Нараў на Падляшшы (Польшча) | |
| Характарыстыка | |
| Даўжыня | 484 км |
| Басейн | 75 175 км² |
| Расход вады | 320 м³/с |
| Вадацёк | |
| Выток | |
| • Каардынаты | 52°43′56″ пн. ш. 24°20′27″ у. д.HGЯO |
| Вусце | Вісла |
| • Каардынаты | 52°26′00″ пн. ш. 20°40′37″ у. д.HGЯO |
| Размяшчэнне | |
| Водная сістэма | Вісла → Балтыйскае мора |
|
|
|
| Краіны | |
 |
|
  выток  вусце |
|
 Медыяфайлы на Вікісховішчы | |
На́раў — рака ў Пружанскім, Свіслацкім раёнах Беларусі і Польшчы, правы прыток Віслы. Да 1962 года лічыўся правым прытокам Буга.
Даўжыня 497 км, у межах Беларусі 44 км. Вадазбор 74,8 тыс. км². Сярэднегадавы расход вады ў межах Беларусі (з прытокамі, якія ўпадаюць на тэрыторыі Польшчы) 5 м³/с. Сярэдні нахіл воднай паверхні ў межах Беларусі 0,3 ‰.
Назва
[правіць | правіць зыходнік]На карце ХІХ ст. (Шуберта) рака пазначаная як Нарва.
У Яцвяжскім слоўнічку фігуруе назва Наўра (Naura). Даследчык балцкай гідраніміі на ўсходзе Ул. Тапароў бачыў тут папулярны ў балцкай гідраніміі корань Nar- (у выніку перастаноўкі *nar-ṷ- зрабілася *naṷ-r-)[1]. З. Зінкявічус лічыў назву Нарава балцкай, і звязанай з балцкай назвай Герадотавых неўраў[2].
Гідраграфія
[правіць | правіць зыходнік]Пачынаецца з вярхоўя Скаронава канала за 6 км на паўночны ўсход ад в. Клепачы Пружанскага раёна, вусце на тэрыторыі Польшчы. У Беларусі цячэ па Прыбужскай раўніне праз Белавежскую пушчу. Шырыня ракі ў межань — 8—10 м.
Даліна ў межах Беларусі амаль на ўсім працягу невыразная. Каналізавана 13 км рэчышча ад вытоку да вусця канала Матылёў Роў; на астатнім працягу яно звілістае, месцамі выраўнаванае.
Асноўныя прытокі
[правіць | правіць зыходнік]Справа: Мядзянка, Рудаўка, Пчолка, Калонка, Бебжа, Шса, Амулёў, Вкра. Злева: Нямержанка, Тушамлянка, Нараўка.
Гідралагічны рэжым
[правіць | правіць зыходнік]На перыяд вясновага разводдзя прыпадае каля 48 % аб’ёму гадавога сцёку. Замярзае ў першай дэкадзе снежня, ускрыццё ў сярэдзіне сакавіка.
Крыніцы
[правіць | правіць зыходнік]- ↑ Топоров В. Н. Еще раз о неврах и селах в общебалтийском этноязыковом контексте (народ, земля, язык, имя). Из истории и.-евр. *neur-: *-nour- и *sel- (неумирающая память об одном балтийском племени) // Балто-славянские исследования. XVII. Москва, 2006. С. 457—462.
- ↑ Зинкявичюс З. Польско-ятвяжский словарик? // Балто-славянские исследования 1983 : зборнік. — Масква: 1984. — С. 16.
Літаратура
[правіць | правіць зыходнік]- Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1–2. – Л., 1971.
- Природа Белоруссии: Попул. энцикл. / БелСЭ; Редкол.: И. П. Шамякин (гл. ред.) и др. — Мн.: БелСЭ, 1986. — 599 с., 40 л. ил. (руск.)
- Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
Спасылкі
[правіць | правіць зыходнік]- НАРАЎ на сайце анлайн-энцыклапедыі «Беларуская энцыклапедыя»
Слоўнікі і энцыклапедыі | |
|---|---|
| Нарматыўны кантроль |
