Новы шлях (1933)
| «Новы шлях» | |
|---|---|
 Новы шлях № 1 | |
| Арыгінальная назва |
Новы шлях |
| Тып | часопіс |
| Выдавец | Беларуская нацыянал-сацыялістычная партыя |
| Краіна | |
| Рэдактар | Уладзіслаў Казлоўскі |
| Заснавана | 1933 |
| Спыненне публікацый | 1937 |
| Мова | беларуская |
| Галоўны офіс | |
.svg){kind=small}
«Но́вы шлях» — часопіс, орган Беларускай нацыянал-сацыялістычнай партыі (БНСП). Выдаваўся з лістапада 1933 да лістапада 1937 ў Вільні на беларускай мове кірыліцай і лацінкай. Меў падтрымку ведамства замежнай палітыкі Нацыянал-сацыялістычнай рабочай партыі Германіі. Рэдактар-выдавец — Уладзіслаў Казлоўскі.
Часопіс прапагандаваў ідэі нацыянал-сацыялізму, друкаваў дакументы і матэрыялы БНСП, рэзка крытыкаваў нацыянальную і эканамічную палітыку, будаўніцтва сацыялізму ў БССР, дзейнасць Камінтэрна і КПЗБ. Шмат увагі аддаваў падзеям у свеце, асабліва ў Германіі, узнімаў яўрэйскае пытанне, праблемы асветы і жыцця беларускай вёскі, палемізаваў з часопісам «Золак», газетамі «Наша воля», «Родны край». На старонках часопіса змешчаны біяграфіі лідараў БНСП Фабіяна Акінчыца, Уладзіслава Казлоўскага, Канстанціна Юхневіча, літаратурныя і публіцыстычныя творы Уладзіслава Казлоўскага, Альбіна Стэповіча, крытычныя агляды асобных нумароў часопісаў «Маладая Беларусь», «Калоссе». У рубрыцы «На нашым фронце» публікаваў хроніку.
Наклад часопіса не перавышаў 500 экз. Выйшла 26 нумароў (апошнія 3 у Лідзе), з іх некаторыя канфіскаваны, праз што Уладзіслаў Казлоўскі меў справу з судом. Забаронены польскімі ўладамі.
Літаратура
[правіць | правіць зыходнік]- Ёрш С. «Новы шлях» // Энцыклапедыя гісторыі Беларусі. У 6 т. Т. 5: М — Пуд / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 1999. — 592 с. — 10 000 экз. — ISBN 985-11-0141-9.
Спасылкі
[правіць | правіць зыходнік]- «Новы шлях» // Беларуская Палічка