Ніна Іванаўна Стужынская

Ніна Іванаўна Стужынская
Дата нараджэння	12 снежня 1955(1955-12-12) (65 гадоў)
Месца нараджэння	Глінная Слабада, Зашчоб’еўскі сельсавет, Рэчыцкі раён, Гомельская вобласць, БССР, СССР
Род дзейнасці	гісторык
Месца працы	Інстытут гісторыі НАНБ
Навуковая ступень	кандыдат гістарычных навук
Альма-матар	БДУ
Узнагароды	прэмія імя Францішка Багушэвіча

Ніна Іванаўна Стужынская (нар. 12 снежня 1955) — беларускі гісторык, лаўрэатка прэміі імя Францішка Багушэвіча Беларускага ПЭН-цэнтра (2001). Кандыдат гістарычных навук, дацэнт.

Скончыла Беларускі дзяржаўны ўніверсітэт. Узначальвае РГА «Беларуская жаночая ліга».

Працавала старшым навуковым супрацоўнікам Інстытута гісторыі НАН Беларусі, адкуль у 2003 годзе была звольнена за ўдзел у выбарчай кампаніі. Пасля гэтага ўвайшла ў аргкамітэт Асацыяцыі незалежных гісторыкаў.

Займаецца даследаваннем гісторыі палітычных рэпрэсій у Беларусі. Аўтар кнігі «Беларусь мяцежная: з гісторыі ўзброенага антысавецкага супраціву: 20-я гг. ХХ ст.». Першы тыраж гэтай кнігі хутка быў раскуплены, і неўзабаве надрукаваны другі.

Спасылкі

• Беларусь мяцежная: з гісторыі ўзброенага антысавецкага супраціву: 20-я гг. ХХ ст.