Ордэн прападобнамучаніка Афанасія Брэсцкага

З пляцоўкі Вікіпедыя
Jump to navigation Jump to search
Ордэн прападобнамучаніка Афанасія Брэсцкага
Арыгінальная назва руск.: Орден преподобномученика Афанасия Брестского
Краіна Flag of Belarus.svg Беларусь
Тып Ордэн Беларускай праваслаўнай царквы
Кім уручаецца Беларуская Праваслаўная Царква
Статус уручаецца
Статыстыка
Дата заснавання 14 жніўня 2010
Чарговасць
Старэйшая ўзнагарода Ордэн свяціцеля Кірыла Тураўскага
Малодшая ўзнагарода Ордэн святой праведнай Сафіі, княгіні Слуцкай

Ордэн прападобнамучаніка Афанасія Брэсцкага (руск.: Орден преподобномученика Афанасия Брестского) — узнагарода Беларускай праваслаўнай царквы. Заснаваны рашэннем Сінода Беларускай Праваслаўнай Царквы ад 26 сакавіка 2010 года і зацверджаны Найсвяцейшым Патрыярхам Маскоўскім і ўсяе Русі Кірылам 14 жніўня 2010 года. З імем прападобнамучаніка Афанасія Брэсцкага непарыўна звязаны падзвіжніцкія працы па абароне і захаванні праваслаўнай веры на зямлі Беларусі, заснаванні манастыроў і храмаў.

Статут ордэна[правіць | правіць зыходнік]

Ордэн прападобнамучаніка Афанасія Брэсцкага мае дзве ступені:

  • Ордэн прападобнамучаніка Афанасія Брэсцкага I ступені;
  • Ордэн прападобнамучаніка Афанасія Брэсцкага II ступені.

Ордэн прападобнамучаніка Афанасія Брэсцкага носіцца на правым боку грудзей і размяшчаецца пасля ордэна свяціцеля Кірыла Тураўскага і перад ордэнам святой праведнай Сафіі, княгіні Слуцкай.

Ордэн прызначаны для ўзнагароджання асоб, які актыўна працуюць на ніве свяціцельскага, святарскага і місіянерскага служэння ў перайманне служэнню і подзвігу прападобнамучаніка Афанасія, ігумена Брэсцкага.

Апісанне[правіць | правіць зыходнік]

Аверс ордэна першай ступені ўяўляе сабой прамы чатырохканцовы крыж з пашыранымі канцамі, з якіх кожны падзелены яшчэ на два вострыя канцы. Крыж пакрыты эмаллю гематытавага (вішнёвага) колеру і абведзены выпуклым пазалочаным рантам. На васьмі вострых канцах — пазалочаныя шарыкі, а паміж імі — паўкружжы з пазалочаных прамянёў, кожны з якіх ахоплівае па аграненым крышталі. Паўзверх першага крыжа накладзены другі крыж меншага памеру, таксама чатырохканцовы, з пашыранымі канцамі, і абведзены такім жа выпуклым пазалочаным рантам, але пакрыты белай эмаллю. Паміж канцамі крыжа выходзяць пазалочаныя прамяні, а ў яго цэнтры змяшчаецца аблямаваны пазалочаным рантам круглы эмалевы медальён з паясной выявай прападобнамучаніка Афанасія Брэсцкага, які ў правай руцэ трымае праваслаўны крыж. На ўзроўні плячэй прападобнамучаніка праходзіць надпіс у два радкі стылізаваным шрыфтам: «ПРЕПОДОБНОМУЧЕНИК АФАНАСИЙ БРЕСТСКИЙ». Памеры ордэна: 75х75 мм.

Рэверс ордэна чысты і гладкі, з матавай пазалотай. На адваротным боку маецца гарызантальнае прыстасаванне для мацавання.

Ордэн другой ступені ордэна ўяўляе сабой прамы чатырохканцовы крыж з пашыранымі канцамі. Паміж канцамі крыжа выступае канеліраваная падкладка з закругленымі кончыкамі прамянёў. Медальён у цэнтры крыжа мае трохі большы дыяметр, чым на ордэне першай ступені.

Да ордэна першай ступені выдаецца грамата чырвонага колеру памерам А4 у развароце (210х296 мм) з выявай ордэна прападобнамучаніка Афанасія Брэсцкага на першай палове пярэдняга боку.

Спасылкі[правіць | правіць зыходнік]