Павел Сапега (ваявода новагародскі)

Павел Іванавіч Сапега
Павел Сапега
Герб «Ліс»
8-ы Ваявода новагародскі 1558 — 1579
Папярэднік	Іван Гарнастай
Пераемнік	Мікалай Радзівіл
6-ы Ваявода падляшскі 1556 — 1558
Папярэднік	Мікалай Нарбут
Пераемнік	Васіль Тышкевіч
Нараджэнне	каля 1490
Смерць	1579(1579)
Месца пахавання	Царква Святой Тройцы і базыльянскі манастыр
Род	Сапегі
Бацька	Іван Сапега
Маці	НН[d]
Жонка	Алена Гальшанская Аляксандра Хадкевіч
Дзеці	ад 1-га шлюбу: Аляксандр, Мікалай, Багдан, Багдана, Марына ад 2-га шлюбу: Андрэй, Васіліса, Раіна, Марына
Веравызнанне	Праваслаўная Царква, кальвінізм і праваслаўе
Адукацыя	Ягелонскі ўніверсітэт
Медыяфайлы на Вікісховішчы

Павел Іванавіч Сапега (каля 1490 — 1579) — вялікалітоўскі дзяржаўны і ваенны дзеяч. Дзяржаўца браслаўскі (1517—1547), маршалак гаспадарскі (1519—1557), ваявода падляшскі (1556—1558) і новагародскі з 1558.

Біяграфія

Паходзіў з кодзенскай лініі магнацкага роду Сапегаў герба «Ліс», сын Івана і яго першай жонкі. Меў братоў Міхаіла і Фёдара. Вучыўся ў Кракаўскім універсітэце.

Удзельнічаў у вайне з Маскоўскай дзяржавай у 1534—1535 гадах, Інфлянцкай вайне (1558—1582) у 1561 годзе.

Браў удзел у васьмі соймах на працягу 1559—1568 гадоў. Быў праціўнікам Люблінскай уніі, аднак акт уніі падпісаў. Вызнаваў праваслаўе, у пэўны час жыцця — кальвінізм.

Упершыню ажаніўся з Аленай Гальшанскай, з якой меў сыноў Аляксандра, Мікалая і Багдана, а таксама дачок Багдану і Марыну. Другі раз пабраўся шлюбам з Аляксандрай Хадкевіч, з якой меў сына Андрэя, а таксама дачок Васілісу, Раіну і Марыну. Пахавалі Паўла Сапегу ў царкве Св. Троіцы ў Вільні.

Літаратура

• Niesiecki K. Herbarz Polski, wyd. J.N. Bobrowicz. — Lipsk, 1839—1846.
• Wolff J. Senatorowie i dygnitarze Wielkiego Ksiestwa Litewskiego: 1385—1795. — Krakow, 1885.
• Zychlinski T. Zlota ksiega szlachty polskiej. T. 1—31. — Poznan, 1879—1908.
• Грыцкевіч А. Сапегі // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 547. — 792 с. — ISBN 985-11-0378-0 (т. 2), ISBN 985-11-0315-2.

Спасылкі

• Генеалогія Сапегаў Архівавана 21 верасня 2013.