Паган-метал

Паган-метал
Кірунак:	метал
Вытокі:	Фолк-метал, Блэк-метал
Месца і час узнікнення:	Паўночная Еўропа, 90-я гады

Паган-метал (ад англ.: pagan metal — язычніцкі або паганскі метал) — адзін з кірункаў металу, цяжкі і містычны стыль на ўзроўні black і death, але мае характэрную асаблівасць: паганскую тэматыку, якая выяўляецца ў тэкстах, афармленні вокладкі, вонкавым выглядзе і светапоглядах музыкаў. Мае народнае гучанне, блізкае да фолк-металу, але больш жорсткае і агрэсіўнае. Часта паган-металам называюць вікінг-метал з паганскай тэматыкай тэкстаў.

Вялікі ўклад у папулярызацыю паганства ўнеслі: Bathory, стваральнік Burzum Варг Вікернес, група Storm. Характэрнай рысай жанру з'яўляецца паганская тэматыка песень, спалучэнне скрымінга, чыстага і рычашчага вакалу (гроўлінг). Гітарная ігра таксама можа быць заснавана на трэш-метале. Выкарыстоўваецца шмат народных інструментаў, аднак эталонам жанру лічацца групы, якія ствараюць «паганскую» атмасферу за кошт майстэрства гульні і разумення традыцый.

Найбольшае распаўсюджванне атрымаў у краінах Усходняй Еўропы і Скандынавіі. Варта адзначыць, што акрамя паган-металу існуюць іншыя стылі паганскай музыкі.

Некаторыя Паган-метал калектывы

• Сярод яскравых прадстаўнікоў паган-металу Беларусі варта адзначыць такія калектывы як Дрыгва, Gods Tower, Kamaedzitca, Znich, Apraxia, Молот, Пярэварацень, Folkvang, Raven Throne.
• Butterfly Temple
• Graveland
• Enslaved
• Ensiferum
• Finntroll
• Korpiklaani
• Kroda
• Moonsorrow
• Nokturnal Mortum
• Skyforger
• Аркона