Паўль Куўсберг

Паўль Куўсберг
эст.: Paul Kuusberg
Асабістыя звесткі
Дата нараджэння	30 красавіка 1916(1916-04-30)
Месца нараджэння	Рэвель, Эстляндская губерня, Расійская імперыя
Дата смерці	21 студзеня 2003(2003-01-21) (86 гадоў)
Месца смерці	Талін, Хар’юмаа, Эстонія
Пахаванне	Лясныя могілкі
Грамадзянства	Расійская імперыя  СССР  Эстонія
Альма-матар	Вышэйшая партыйная школа пры ЦК КПСС
Прафесійная дзейнасць
Род дзейнасці	пісьменнік, журналіст, крытык
Грамадская дзейнасць
Партыя	КПСС
Узнагароды	Дзяржаўная прэмія Эстонскай ССР[d] (1965) Дзяржаўная прэмія Эстонскай ССР[d] (1976) Заслужаны пісьменнік Эстонскай ССР[d] (1966) Народны пісьменнік Эстонскай ССР[d] (1972)
Медыяфайлы на Вікісховішчы

Па́ўль Ку́ўсберг (эст.: Paul Kuusberg; 30 красавіка 1916, Рэвель — 21 студзеня 2003, Талін) — эстонскі пісьменнік. Народны пісьменнік Эстоніі (1972). Герой Сацыялістычнай Працы (1984). Лаўрэат Дзяржаўнай прэміі Эстоніі (1965, 1975).

Біяграфія

Нарадзіўся 30 красавіка 1916 года ў Рэвелі. Быў будаўнічым рабочым.

У гады Другой сусветнай вайны служыў палітруком у 8-м Эстонскім стралковым корпусе, быў франтавым журналістам.

Пасля вайны працаваў у рэдакцыі газеты «Рахва Хяэль» («Голас народа») і быў галоўным рэдактарам літаратурнага часопіса «Looming». З 1976 па 1983 год узначальваў кіраўніцтва Саюза пісьменнікаў Эстонскай ССР.

Выпускнік Вышэйшай партыйнай школы ў Маскве, член КПСС з 1940 года.

Сканаў 21 студзеня 2003 года на 86-м годзе жыцця.

Творчасць

Дэбютаваў у 1948 як літатурны крытык. Першы раман «Каменныя сцены» (1956) пра жыццё рабочых Эстоніі напярэдадні падзей 1940 года. У раманах «Другое „я“ Энна Кальма» (1960), «У разгары лета» (1966), «Адна ноч» (1972) асэнсаванне падзей Вялікай Айчыннай вайны, іх уплыву на духоўнае станаўленне асобы. Актуальныя сацыяльныя і маральна-этычныя праблемы сучаснасці — у раманах «Здарэнне з Андрэсам Лапетэусам» (1963), «Кроплі дажджу» (1976), аўтабіяграфічным рамане ў навелах «Бульвар свабоды» (1971), зборніках апавяданняў «Усмешка» (1971), «Хто яны былі?» (1986) і інш. Проза Куўсберга адметная публіцыстычнай завостранасцю, разнастайнасцю мастацкіх форм і прыёмаў апавядання, іроніяй, гратэскавасцю і гумарам. Аўтар кніг літаратурна-крытычных артыкулаў «Устаўляю слова» (1959), «Пра час, грамадзяніна свету і іншае» (1967).

Пераклады

На беларускую мову асобныя яго творы пераклалі А. Клышка, А. Кулакоўскі, Б. Сачанка.

Літаратура

• Куусберг Пауль // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).

Спасылкі

• На Вікісховішчы ёсць медыяфайлы па тэме Паўль Куўсберг
• Паўль Куўсберг на сайце «Героі краіны»