Паўліна Сурвіла

Паўліна Сурвіла
Дата нараджэння	2 лютага 1964(1964-02-02)
Месца нараджэння	Мадрыд, правінцыя Мадрыд, Кастылья-ла-Нуэва, Іспанія
Дата смерці	25 красавіка 2020(2020-04-25) (56 гадоў)
Месца смерці	Вайверлі[d], Брымер[d], Аява, ЗША
Грамадзянства	Канада
Бацька	Янка Сурвіла
Маці	Івонка Сурвіла
Род дзейнасці	музыказнавец, музычны этнограф
Месца працы	Wartburg College[d]
Навуковая ступень	доктар мастацтвазнаўства
Альма-матар	Philemon Wright High School[d] (1982) Атаўскі ўніверсітэт (1987) Мічыганскі ўніверсітэт (2000)
Узнагароды	праграма Фулбрайта

Паўліна Марыя Сурві́ла (2 лютага 1964(1964-02-02), Мадрыд — 25 красавіка 2020(2020-04-25), Вайверлі^[d], Аява) — амерыканская этнамузыкалагіня і мастачка беларускага паходжання. Доктарка ў галіне музыказнаўства, прафесарка.

Біяграфія

Нарадзілася 2 лютага 1964 года ў Мадрыдзе. Дачка Янкі Сурвілы і Івонкі Шыманец-Сурвілы. Жыла ў Іспаніі, Францыі, з канца 1960-х г. у Канадзе, затым у ЗША. Служыла музыкай у канадскім войску. Скончыла ўніверсітэт у ЗША (штат Мічыган; 1992).

Выкладала ва ўніверсітэце Паўночнай Караліны. Даследавала беларускую музыку Мінска, Палесся, Беласточчыны і іншых мясцін. Займалася жывапісам (найбольш значная мастацкая выстава ў 1996 у штаце Агая, ЗША), малявала на беларускія сюжэты. Аўтарка шэрагу публікацый у амерыканскім друку пра беларускую традыцыйную і рок-музыку.

Была выканаўчаю дырэктаркай створанага ў 2007 годзе Цэнтра беларускіх даследаванняў у Канзасе. Паўліна Сурвіла арганізавала дзясяткі навуковых канфэрэнцый, семінараў, лекцый, прысвечаных гісторыі і сучаснасці Беларусі. Была сябрай Рады БНР.

Памерла 25 красавіка 2020 года на 57-м годзе жыцця ад цяжкай хваробы. У Паўліны Сурвілы застаўся муж Эрык, прафесар музыкі, музыкант, і два сыны.

Літаратура

• Ляднёва А. С., Сяргеева Г. Г. Сурві́ла Паўліна // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 279. — 552 с. — 10 000 экз. — ISBN 985-11-0035-8. — ISBN 985-11-0251-2 (т. 15).