Прафсаюзная (станцыя метро, Мінск)
«Прафсаюзная» | |
|---|---|
Зеленалужская лінія | |
 Мінскі метрапалітэн | |
 | |
| Ранейшыя назвы | Праспект Пераможцаў |
| Раён | Цэнтральны |
| Код станцыі | 317 |
| Суседнія станцыі | Пярэспа і Юбілейная плошча |
Прафсаюзная (трансліт.: Prafsajuznaja) — станцыя трэцяй чаргі, якую планавалі пабудаваць на Зеленалужскай лініі Мінскага метрапалітэна[1]. Станцыю планавалі размясціць на скрыжаванні праспекта Пераможцаў і вуліцы Мельнікайтэ[2].
Станцыя размяшчалася на планах лініі з 4 станцый: «Прафсаюзная», «Пярэспа», «Камароўская» і «Парк Дружбы Народаў». Будаўніцтва планавалі скончыць да 2028—2029 гадоў[3]
У жніўні 2025 года, прааналізаваўшы пасажырапаток, ад будаўніцтва станцыі адмовіліся.[4]
Назва
[правіць | правіць зыходнік]Назва паходзіць ад будынка Дома прафсаюзаў паблізу, а не ад гістарычнай мясцовасці (нягледзячы на тое, што станцыю праектавалі ў гістарычным раёне Татарская Слабада). Першапачатковая праектная назва — Праспект Пераможцаў.
Праект
[правіць | правіць зыходнік]Праект «Прафсаюзнай» нагадваў станцыі «Міхалова» і «Немаршанскі Сад», а таксама падобны на праекты «Пярэспы» і «Камароўскай». Шматпавярховая, кампактная, з эскалатарамі па цэнтры станцыі. Вестыбюль быў таксама адзін. Праект падабаўся метрабудаўнікам за сваю кампактнасць, адносную таннасць і хуткасць будаўніцтва. Праектная глыбіня — таксама каля 12 метраў. Выхадаў з падземнага пераходу павінна было быць тры: адзін да цэнтральнага ўваходу Дома прафсаюзаў, два другія — на іншы бок вуліцы Мельнікайтэ[5].
Зноскі
- ↑ Мінгарвыканкам прысвоіў назвы станцыям трэцяй і чацвёртай ліній Мінскага метрапалітэна
- ↑ https://realt.onliner.by/2016/07/30/metro-115
- ↑ https://realt.by/news/article/31932/
- ↑ «Был пересмотрен проект». Теперь официально: станцию метро «Профсоюзная» строить не будут (руск.). Onliner.by (22 жніўня 2025).
- ↑ https://metro-3d-line.medium.com/трэцяя-лінія-ідзе-на-поўнач-дзе-і-калі-зявяцца-новыя-станцыі-92a60a22cbd1