Пэрэчын

Горад
Пэрэчын
укр.: Перечин
Сцяг Герб
48°44′00″ пн. ш. 22°28′00″ у. д.
Краіна	Украіна
Вобласць	Закарпацкая вобласць
Раён	Пэрэчынскі раён
Гісторыя і геаграфія
Першая згадка	1399
Плошча	7,45 км²
Вышыня цэнтра	176 м
Часавы пояс	UTC+2, летам UTC+3
Насельніцтва
Насельніцтва	6477 чалавек (2022)
Шчыльнасць	339,04 чал./км²
Лічбавыя ідэнтыфікатары
Тэлефонны код	+380-3145
Паштовы індэкс	89200—89202
Аўтамабільны код	AO / 07
КААТУУ	2123210100
perechyn.zaua.com
Паказаць/схаваць карты
Пэрэчын Пэрэчын
Медыяфайлы на Вікісховішчы

Пэрэчын (укр.: Перечин, руск.: Перечин, венг.: Perecseny, чэшск.: Perečín, славацк.: Perečany) — горад у Закарпацкай вобласці Украіны. Цэнтр аднайменнага раёна.

Горад складаецца з 41 вуліцы, 2 плошчаў, 6 завулкаў. Насельніцтва каля 6500 чалавек, якія пражываюць на тэрыторыі 7,45 км². Гэта ў асноўным украінцы, акрамя іх яшчэ пражываюць рускія, славакі, венгры, немцы, італьянцы, цыганы і інш.

У раённым цэнтры засяроджана асноўная інфраструктура Пэрэчыншчыны. Тут дзейнічаюць больш за паўтара дзясяткі прадпрыемстваў, філіялы 5 банкаў, 2 крэдытныя саюзы, развітая гандлёвая сетка, шэраг устаноў бытавога абслугоўвання насельніцтва.

Клімат

Пэрэчын — горад з кліматам мяккім, умерана кантынентальным з празмерна дастатковым увільгатненнем, няўстойлівай вясной, няжаркім летам, цёплай восенню і мяккай зімой.

Гісторыя

Задакументаваная гісторыя Пэрэчына пачынаецца ў XIII ст. Упершыню ў 1399 годзе Пэрэчын згадваецца як населены пункт, які ўваходзіць у склад Ужгарадскай дамініі Другетаў.

У XVI—XVII ст. Пэрэчын у складзе Ужанскай жупы ўваходзіў у імперыю Габсбургаў. У другой палове XIX ст. гарадок, як і ўсё гістарычнае Закарпацце, уваходзіў у склад Аўстра-Венгрыі; у пачатку XX ст. стаў цэнтрам Бэрэжанскай акругі (павета) у складзе Ужанской жупы. З 1919 па 1939 гады — у складзе Чэхаславакіі. На працягу 1939—1944 гадоў знаходзіўся пад акупацыйным рэжымам фашысцкай Венгрыі. З кастрычніка 1944 года па чэрвень 1945 года — у складзе дзяржаўнага ўтварэння Закарпацкая Украіна. У далейшым Пэрэчын, як і ўсе Закарпацкія зямлі, да 1991 года ўваходзіў ва Украінскую ССР у складзе СССР. З 1991 года ў складзе незалежнай Украіны.

На працягу XIX ст. паселішчы карысталася гербам: поле герба расколатае; у верхняй частцы — каменная царква, абсаджаная па баках дрэвамі; у ніжняй частцы — селянін выпальвае ў печы вапну. Герб фігураваў на пячатках, датаваных 1823 і 1877 гг.

Насельніцтва

Насельніцтва

1989	2001	2012
7200	7083	6706

Галерэя

• 
  Сінагога ў Пэрэчыне
• 
  Будынак сінагогі зараз
• 
  Помнік поштальёну Фёдару Фякеце ў горадзе