Павел Алегавіч Лойка

Павел Алегавіч Лойка
Дата нараджэння	12 ліпеня 1958(1958-07-12)
Месца нараджэння	Слонім, Слонімскі раён, Гродзенская вобласць, БССР, СССР
Дата смерці	22 кастрычніка 2010(2010-10-22) (52 гады)
Месца смерці	Мінск, Беларусь
Грамадзянства	СССР  Беларусь
Бацька	Алег Антонавіч Лойка
Род дзейнасці	навуковец
Навуковая сфера	гісторыя
Месца працы	гістарычны факультэт БДУ Беларускі гуманітарны ліцэй імя Якуба Коласа Інстытут гісторыі НАНБ
Навуковая ступень	кандыдат гістарычных навук
Навуковае званне	дацэнт
Альма-матар	гістарычны факультэт БДУ (1980)
Навуковы кіраўнік	Васіль Іванавіч Мялешка

Павел Алегавіч Лойка (12 ліпеня 1958, Слонім — 22 кастрычніка 2010) — беларускі гісторык, кандыдат гістарычных навук (1984). Сын пісьменніка Алега Лойкі.

Біяграфія

Сын беларускага філолага і пісьменніка Алега Лойкі. Скончыў гістарычны факультэт БДУ (1980). З 1983 года супрацоўнік, у 1990—2000 гадах — загадчык аддзела гісторыі Беларусі XIII—XVIII стст. Інстытута гісторыі НАН Беларусі.

Адначасова ў 1994—2006 гадах загадчык кафедры гісторыі Беларусі старажытнага часу і сярэдніх вякоў гістарычнага факультэта БДУ. У 2006—2010 гадах дацэнт кафедры. Выкладаў гісторыю Беларусі ў Беларускім гуманітарным ліцэі.

Даследаваў праблемы дзяржаўна-палітычнага развіцця Вялікага Княства Літоўскага ў XVI ст., аграрную гісторыю Беларусі XVI—XVIII стст.

Працы

Друкаваўся з 1982 года ў Беларусі, Расіі, Польшчы, Германіі. Адзін з аўтараў, рэдактараў і складальнікаў школьных падручнікаў, навуковых зборнікаў і манаграфій па гісторыі.

• Паўстанне сялян пад кіраўніцтвам Вашчылы. Мінск, 1988 (у сааўтарстве з Васілём Мялешкам).
• Прыватнаўласніцкія сяляне Беларусі. Эвалюцыя феадальнай рэнты ў другой палове XVI—XVIII стст. Мінск, 1991.
• І ўзняўся люд просты. Мінск, 1992 (у сааўтарстве з Васілём Мялешкам).
• Шляхта беларускіх зямель у грамадска-палітычным жыцці Рэчы Паспалітай другой паловы ХVI — першай трэці ХVII ст. Мінск: БДУ, 2002.

Літаратура

• Варонін В. Павел Лойка (12.07.1958 — 22.10.2010) // Беларускі гістарычны агляд. 2010, Т. 17, Сш. 1-2.
• Лойка Павел Алегавіч // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 217. — 792 с. — ISBN 985-11-0378-0 (т. 2), ISBN 985-11-0315-2.
• Сосна У. А. Памяці гісторыка-медыявіста Паўла Алегавіча Лойкі (12.07.1958-22.10.2010). Беларускія сяляне і шляхта ў даследаваннях Паўла Лойкі / У. А. Сосна // Studia Historica Europae Orientalis = Исследования по истории Восточной Европы: науч. сб. Вып. 3. — Мн.: РИВШ, 2010.
• Падалінскі У. А., Дзянісава А. Р. Гісторыя Беларусі перыяду Сярэднявечча і ранняга Новага Часу ў даследаваннях Паўла Лойкі (1958—2010)(недаступная спасылка) // Журнал Белорусского государственного университета. История. № 3, 2018. — С. 110—119.