Сяргей Лабандзіеўскі

Сяргей Лабандзіеўскі
Род дзейнасці	рэжысёр
Дата нараджэння	19 чэрвеня 1964(1964-06-19) (59 гадоў)
Месца нараджэння	Залессе, Перасадскі сельсавет, Барысаўскі раён, Мінская вобласць, БССР, СССР
Альма-матар	Беларускі нацыянальны тэхнічны ўніверсітэт (1991)

Сяргей «Шлёма» Лабандзіеўскі (нар. 19 чэрвеня 1964, Залессе, Барысаўскі раён, Мінская вобласць, БССР, СССР) — беларускі гукарэжысёр.

Біяграфія

У 1991 годзе скончыў факультэт робататэхнічных сістэм БПІ. У 1988–1992 гадах працаваў тэнікам-інжынерам пры АН БССР. У 1992–2001 гадах музычны рэдактар на Беларускім радыё. У 1995–1996 гадах музычны рэдактар і гукарэжысёр Радыё 101,2. У 1997–2001 гадах гукарэжысёр Радыё «Рокс». У 1998–2003 гадах гукарэжысёр тэлерадыёкампаніі «Мір».

Працаваў на студыях гуказапісу ў Беларусі, Расіі, Польшчы, таксама на беларускіх радыёстанцыях як музычны рэдактар, вядучы музычных праграм і гукарэжысёр. Аддае перавагу «жывым» кірункам музыкі — року, блюзу, джазу, рабіў запісы камернай, харавой і фальклорнай музыкі.

Браў удзел у стварэнні альбомаў і правядзенні канцэртаў žygimont VAZA, Крамбамбуля, Zet, IQ48, Новае Неба, N.R.M., Змітра Вайцюшкевіча, Pomidoroff, Экивоки, Л.О.М., Naka, Yo-Yo, Народны Альбом, Я нарадзіўся тут, Personal Depeche, і многіх іншых. Займаецца таксама мастэрынгам і рэстаўрацыяй фанаграм, гукам для дакументальнага кіно.

Працы

• Personal Depeche

Літаратура

• Д.П., фота Д.П. ЛАБАНДЗІЕЎСКІ СЯРГЕЙ «ШЛЁМА» (Лобандиевский Сергей «Шлёма», Labandziewski Siarhiej) // Энцыклапедыя беларускай папулярнай музыкі (бел.) / уклад. Дз. Падбярэзскі і інш. — Мінск: Зміцер Колас, 2008. — С. 157. — 368 с. — 2 000 экз. — ISBN 978-985-6783-42-8.