Zet

Zet
Zet
Жанр	Рок
Гады	2000—Zet not dead
Краіна	Беларусь
Горад	Мінск
Мова песень	Беларуская
Склад	Kanzler; Strong; Akrabat; Porter; Manjak;
Іншыя; праекты	«Мроя»; «N.R.M.»; «Hasta La Fillsta»; «Крамбамбуля»; «B:N:»; «IQ48»; «Pomidor/OFF»;

Zet (бел.: Зэт^[1]) — беларускі падпольны музычны гурт, удзельнікі якога граюць у масках^[2] і хаваюць свае імёны пад мянушкамі^[3].

Гісторыя[правіць | правіць зыходнік]

15 ліпеня 2000 года гурт «Зэт» на 9-ым Фестывалі музыкі Маладой Беларусі «Басовішча» (Гарадок, Усходняя Беласточчына) атрымаў узнагароду ад Радыё «Рацыя»^[4]. 28 лютага 2006 года «Зэт» перамог на «Рок-каранацыі 2005» у намінацыі «Песня года» з песняю «Белакрылы анёл»^[5]. Праўда, ніхто не выйшаў на цырымонію ўручэння прэміі^[6] з рук Аляксандра Памідорава^[7]. 14 мая 2007 года ўправа культуры Мінска забараніла супольны канцэрт гуртоў «Зэт» і «IQ48», які меўся адбыцца ў той дзень у клубе «Арэна». За перанос канцэрта ў клуб «Катакомбы» яго арганізатараў затрымалі супрацоўнікі Камітэту дзяржаўнай бяспекі, пад наглядам якіх міліцыянты запратакалявалі забароненасць мерапрыемства і заявілі пра забарону на выступ саміх гуртоў^[8]. 9 жніўня 2008 года «Зэт» выступіў на міжнародным музычным свяце «Be Free» у Львове (Украіна)^[9].

Дыскаграфія[правіць | правіць зыходнік]

Альбомы[правіць | правіць зыходнік]

З Новым годам! (2000)[правіць | правіць зыходнік]

Альбом «З Новым годам!» запісалі ўвесну 2000 года на мазырскай музычнай студыі «Арт-cтудио». Па змесце альбом атрымаўся пераважна сатырычным (песні «Танец смерці» і «Гэй, славяне!»)^[3]. Перавыданне 2004 года зрабіў лэйбл «WestRecords». У яго ўключылі дэма-версіі песняў «Змяя», «Дзяржтэлерадыё» і «Геадэзія-картаграфія», відэа-кліп на песню «Калгас», што на альбоме «radzima.com» песня «Светлы шлях», і канцэртны відэа-запіс песні «Радзіма-свабода». Запіс і звядзенне альбому рабіў Сяргей Лабандзіеўскі, дызайн — Павел Цыбін, фота — Аляксандр Кулік, мультымедыі — Ігар Назаранка. Прадзюсар — Ганна Вольская.

Спіс песняў:

№	Назва	Працягласць
1.	«Баю-баю»	3:10
2.	«Радзіма-свабода»	3:54
3.	«Незнаёмец»	3:24
4.	«Анёлы»	3:58
5.	«Гэй, славяне!»	3:33
6.	«La Bamba»	3:51
7.	«Хлопчык»	3:10
8.	«Нармальна»	4:21
9.	«З новым годам!»	3:59
10.	«Танец смерці»	5:37

Альбом таксама змяшчаў «Маніфэст гурту Zet»:

Цяперашні музычны сьвет багаты й разнастайны. Рок-гурты граюць музыку. Публіка яе слухае. Вакол кожнага больш менш значнага калектыву гуртуецца кола ягоных прыхільнікаў. Гэтыя прыхільнікі досыць агрэсыўныя й кансэрватыўныя ў стаўленьні да ня толькі фанатаў іншых гуртоў, але й сваіх куміраў. Альтэрнатыўныя гурты вельмі стараюцца ня страціць свой альтэрнатыўны фармат. Тымчасам ён зрабіўся модным ва ўсім сьвеце і пераўтвараецца ў натуральную папсу. Незразумела да чаго ён альтэрнатыўны. Да MTV? Дык цяпер там круцяць учорашніх «альтэрнатыўшчыкаў» як учора Брытні Сьпірс. Змагары з рэжымам, дыктатурай і дзяржаўным ладам сваімі шматгадовымі крыкамі настолькі зьнівэлявалі йдэю, што тэкст ужо ня слухаецца, бо набывае тыя ж папсовыя стандарты. Толькі ў клясычным папсовым варыянце будуць: close (open) up your eyes, low, kiss, а «змагарным» destroy, kill, dark і г. д. Усе сьпяваюць пра адно і тое ж аднымі і тымі ж словамі.

Мэталісты слухаюць свой мэтал і не разумеюць, што ўсе гэтыя доўгія валасы, заклёпкі, цыркавы сатанізм і клаўнада таксама папса, толькі робленая па іншых законах. Стандарты тэксту гэтых гуртоў гл. абзац вышэй. Толькі яшчэ больш цёмна й таямніча. А так усе пяюць адно і тое ж. Як сапраўдныя папсачы.

Сьледаваньне з боку музыкаў пэўнаму сучаснаму стандарту азначае, што яны прагнуць застацца ў межах вядомасьці пэўнае групы слухачоў. Калі яны зробяць крок убок ад рамак, слухачы іх не зразумеюць, і перастануць паважаць.

Вядомасьць (хаця б лякальная) будзе страчаная. Страты вядомасьці трэба пазьбягаць. «Фармат» трэба захоўваць. Ці не заўважаеце вы тыповыя папсовыя ўстаноўкі: імкнуцца да набыцьця вядомасьці, захоўваць вядомасьць, захоўваць «фармат». «Альфа радыё» захоўвае свой фармат. Тупа і пасьлядоўна. Дзякуючы гэтаму мае сродкі для існаваньня. Тое ж адбываецца з тусоўкай, якая ніколі не прагучыць на «Альфе»: хардкор, усе гатункі мэталу, рэп і г. д.

Яна захоўвае фармат: ніякая папса не павінна пракрасьціся на гэтую тэрыторыю. Бо слухачы не зразумеюць (як і ў прыкладзе з «Альфай»). Дык што тут папса і што не папса? Калі асноўныя накірункі дзейнасьці й прынцыпы йснаваньня аднолькавыя. Прынцыповая розьніца музычны фармат. Але, насамрэч, гэтая розьніца непрынцыповая, калі аднолькавыя прынцыпы зрабіць шоў і атрымаць за яго ганарар. НАКАРМІЦЬ ПУБЛІКУ ТЫМ, ШТО ЯНА ХОЧА ЗЬЕСЬЦІ. Гэта галоўны прынцып папсы. Папсы з аднаго і з другога боку ўяўнае мяжы.

Высновы:

Сучасны музычны сьвет падзелены на некалькі попсаў, якія робяць адно і тое ж рознымі музычнымі сродкамі: чапляюцца за музычны фармат і зарабляюць на ім вядомасьць і грошы. Пры гэтым і самі музыкі, і іхныя прыхільнікі абвінавачваюць канкурэнтаў у папсовасьці, сатанізму, дэструкцыі, тупасьці і г. д. Яны ня бачаць, адкуль ногі растуць, самі зьяўляючыся часткай вялікага папсовага працэсу. У гэтай сытуацыі гурт ZET мусіць заявіць, што дзеля таго, каб пазьбегнуць «фармату», будзе выконваць песьні ў розных стылях, з рознымі тэкстамі на розных мовах. Імідж будзе пастаянна зьмяняцца. Трэба, каб ніхто ня ведаў, што ў наступны раз зграе і як будзе выглядаць гурт. Гэта робіцца, каб пазьбегнуць гарачай любові слухачоў граньня аднаго і таго ж цягам дзесяцігодзьдзяў (хаця матар’ял даўно ўжо не выклікае ў выканаўцаў ніякіх эмоцыяў). Ад скрайніх мэтал-плыняў да блятняку! Каб не прызвычайваліся.

Хаця й ёсьць небясьпека такім чынам стварыць новы фармат.

Radzima.com (2006)[правіць | правіць зыходнік]

Дыск «Radzima.com» выйшаў у чэрвені 2006 года на гомельскім лэйбле «GO-Records», хоць дэма-запіс зрабілі ў 2003 годзе^[10]. У змесце песняў альбома пераважала сацыяльная лірыка, што змяшчала кпіны з ветэранаў кожнае крывавае вайны (песня «O yeah! O yo!») і старшыняў калгасаў (песня «Светлы шлях»), аматараў БТ (песня «Дзяржтэлерадыё») і лозунгу «Back in USSR» (песня «I love you»), са спажывання на шкоду годнасці (песні «Аб’явы» і «Мужчына»), з ідэолагаў (песні «Крумкачы» і «The best») і апазіцыянераў (песні «Джала» і «Анёл»). Песні «1, 2, 3», «Светлы шлях», «The best» і «Анёл» выдаваліся да выпуску альбома^[11].

Спіс песняў:

№	Назва	Працягласць
1.	«1, 2, 3»	3:05
2.	«Твая Айчына»	4:01
3.	«Аб’явы»	3:02
4.	«Чорнае сонца»	2:50
5.	«Крумкачы»	2:35
6.	«Мужчына»	3:24
7.	«Дзяржтэлерадыё»	4:28
8.	«Джала»	3:34
9.	«Заўтра»	1:56
10.	«Светлы шлях (ранейшая назва «Калгас»)»	2:05
11.	«I love you»	1:42
12.	«The best (ранейшая назва «Краіна дурняў»^[11])»	3:37
13.	«Love story — don’t worry»	3:12
14.	«O yeah! O yo!»	2:00
15.	«Геадэзія-картаграфія»	2:00
16.	«Змяя ўнутры цябе»	5:07
17.	«Анёл (ранейшая назва «Белакрылы анёл»)»	3:38

Удзел у зборніках[правіць | правіць зыходнік]

Вольныя танцы: альтэрнатыва by (2001) — «Нармальна»
Hardcoreманія: чаду! (2002) — «1,2,3»
Personal Depeche (2002) — «Марны (Useless)»
Генералы айчыннага року (2004) — «Краіна дурняў»
Прэм’ер тузін — 2005 (2005) — «Белакрылы анёл» (11-ае месца)
Песьні свабоды (2006) — «Радзіма-Свабода»
Дыхаць! (2006) — «Радзіма-Свабода!»
Песні свабоды-2 (2006) — «Белакрылы анёл»
Прэм’ер тузін — 2007 (2007) — «Love story — don’t worry» (9-е месца)
Budzma The Best Rock / Budzma The Best Rock/New (2009) — «1-2-3»

Удзельнікі (мянушкі)[правіць | правіць зыходнік]

Портэр: бубны
Стронг: гітара
Акрабат: бас-гітара
Канцлер: спеў, гітара
Маньяк: бубны

Зноскі

↑ Зося Лемеш. Мелі «Рацыю» Архівавана 6 красавіка 2009.// Ніва. № 49 (2430), 8 снежня 2002 г. С. 1-2.
↑ Алёна Скарабагатая. Zet: «Мы не займаемся мэйнстрымам»(недаступная спасылка)// Тузін Гітоў. 5 ліпеня 2006
↑ ^а ^б 222 альбомы беларускага року і ня толькі…: Праз рок-прызму / Вітаўт Мартыненка, Анатоль Мяльгуй; прадмова й прад’юсаваньне В. Супрановіча. — Мінск: Медысонт, 2006. — 448 с., [8] с. іл. ISBN 985-6530-38-5 — Старонка 320.
↑ Мікола Ваўранюк. Новая хваля Архівавана 10 жніўня 2010.// Ніва. № 31 (2307), 30 ліпеня 2000 г. С. 1, 3.
↑ WM. Кароны раздадзеныя. Заслона (бел.)(недаступная спасылка). Тузін Гітоў (1 сакавіка 2006). Архівавана з першакрыніцы 17 жніўня 2012. Праверана 13 ліпеня 2020.
↑ Алёна Скарабагатая. Zet: «Мы не займаемся мэйнстрымам»(недаступная спасылка)// Тузін Гітоў. 5 ліпеня 2006
↑ Пераможцы цырымоніі «Рок-каранацыя» за 2004—2005 гг.// Радыё «Свабода». 1 сакавіка 2006
↑ Сяргей Будкін. Беларускі рок пад забаронай Архівавана 8 студзеня 2008.// Тузін Гітоў. 15 мая 2007
↑ Сямён Печанко. Be Free: Свабода пад дажджом і сонцам Архівавана 8 сакавіка 2021.// Наша Ніва. № 30 (580) 14 жніўня 2008. Старонкі 1, 11.
↑ Гурт Zet выдаў новы альбом// Сеціўная газета «Белорусские новости». 4 ліпеня 2006
↑ ^а ^б Сяргей Балахонаў. Zet «Radzima.com» Архівавана 28 чэрвеня 2011.// Тузін Гітоў. 10 ліпеня 2006

Літаратура[правіць | правіць зыходнік]

Д.П. «ZET» // Энцыклапедыя беларускай папулярнай музыкі (бел.) / уклад. Дз. Падбярэзскі і інш. — Мінск: Зміцер Колас, 2008. — С. 117. — 368 с. — 2 000 экз. — ISBN 978-985-6783-42-8.