Сярэдняя

Вёска Сярэдняя Краіна Беларусь Вобласць Мінская Раён Мінскі Сельсавет Шаршунскі Каардынаты 54°13′38″ пн. ш. 27°24′03″ у. д. Ранейшыя назвы Манылы Насельніцтва 23 чал. (2012) Часавы пояс UTC+3 Тэлефонны код +375 17 Паштовыя індэксы 223048 Аўтамабільны код 5 Сярэдняя на карце Беларусі ±

Сярэ́дняя (трансліт.: Siaredniaja, руск.: Середняя) — вёска ў Мінскім раёне Мінскай вобласці. Уваходзіць у склад Шаршунскага сельсавета.

Гісторыя

У 1858 годзе вёска маёнтка Мануйлы, 37 жыхароў мужчынскага полу, ва ўладанні Тукалы, у Радашкавіцкай воласці Мінскага павета. У 1870 г. вёска — цэнтр сельскай грамады, у склад якой уваходзілі 6 вёсак. У 1897 г. 17 гаспадарак, 112 чалавек. З лютага да снежня 1918 г. акупаваная войскамі кайзераўскай Германіі. З ліпеня 1919 г. да ліпеня 1920 г. — войскамі Польскай Рэспублікі. У 1919 годзе ўключаная ў склад БССР. У 1921 годзе складалася з 21 гаспадаркі, 130 чалавек. 20 жніўня 1924 года вёска уключаная ў склад Шаршунскага сельсавета Заслаўскага раёна Мінскай акругі (да 26 ліпеня 1930 г.). У 1924 г. працавала пачатковая школа. У 1926 годзе ў вёсцы 27 двароў, 152 жыхары. З 20 лютага 1938 года ў Мінскай вобласці. У Вялікую Айчынную вайну з канца чэрвеня 1941 года да пачатку ліпеня 1944 г. акупаваная нямецкімі захопнікамі, загінулі 9 жыхароў. З 8 жніўня 1959 года ў Мінскім раёне, з 20 студзеня 1960 года ў Рагаўскім сельсавеце. У 1997 г. складалася з 16 двароў, 32 жыхары, у саўгасе «Савецкі» (цэнтар — в. Шаршуны). У 1963 г. на брацкіх могілках 101 партызанскай брыгады «Штурмавая» пастаўлены помнік. Каля вёскі помнік у гонар партызанскай брыгады «Штурмавая», дзе ў Вялікую Айчынную вайну базіраваўся яе штаб.

Вядомыя асобы

• Павел Аркадзевіч Ляхновіч (нар. 1954) — беларускі празаік, перакладчык, журналіст.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх