Том Стопард

Том Стопард
Асабістыя звесткі
Імя пры нараджэнні	Tomáš Straussler
Псеўданімы	Уільям Бут
Дата нараджэння	3 ліпеня 1937(1937-07-03)[…]
Месца нараджэння	Злін, раён Злін[d], Чэхія[…]
Дата смерці	29 лістапада 2025(2025-11-29) (88 гадоў)
Месца смерці	Дорсет, Паўднёва-Заходняя Англія[d], Англія, Вялікабрытанія
Грамадзянства	Чэхаславакія  Вялікабрытанія
Бацька	Evžen Sträussler[d]
Маці	Martha Stoppard[d]
Жонка	Jose Ingle[d], Miriam Stoppard[d] і Сабрына Гінес[d]
Дзеці	Уільям Стопард[d], Эд Стопард[d], Олівер Стопард[d] і Барнабі Стопард[d]
Альма-матар	Школа Поклінгтан[d] Mount Hermon School, Darjeeling[d]
Прафесійная дзейнасць
Род дзейнасці	драматург, сцэнарыст, журналіст, кінарэжысёр, перакладчык, пісьменнік, тэатральны крытык, кінасцэнарыст
Гады творчасці	1964 — 2025
Жанр	камедыйная драма[d]
Мова твораў	англійская
Грамадская дзейнасць
Член у	Амерыканская акадэмія мастацтваў і навук Каралеўскае літаратурнае таварыства Writers Guild of America West[d]
Прэміі	прэмія Англійскага ПЭН-клуба імя Гаральда Пінтэра[d] (2013) прэмія Ларэля[d] (2013) член Каралеўскага літаратурнага таварыства[d] (1972) медаль Бодлі[d] (2004)
Узнагароды	Прэмія Лорэнса Аліўе прэмія Гільдыі сцэнарыстаў ЗША за найлепшы арыгінальны сцэнарый[d] (20 лютага 1999) Імператарская прэмія (2009) прэмія Дэна Дэвіда[d] (2008) Critics' Circle Award for Distinguished Service to the Arts[d] John Whiting Award[d] Tony Award for Best Play[d] (11 чэрвеня 2023)
Медыяфайлы на Вікісховішчы

Сэр Том Стопард (англ.: Tom Stoppard; 3 ліпеня 1937(1937-07-03)^[…], Злін^[…] — 29 лістапада 2025(2025-11-29), Дорсет, Паўднёва-Заходняя Англія^[d]) — брытанскі драматург.

Біяграфія

Стопард (сапраўднае імя Томаш Штраўслер) нарадзіўся ў чэшскім Зліне. Каб пазбегнуць пераследу нацыстаў, 15 мая 1939 года сям’я з’язджае ў Сінгапур. А ў 1941 годзе, ратуючыся ад уварвання Японіі ў Сінгапур, сям’я пераязджае ў Індыю. Бацька Тома затрымаўся ў Сінгапуры і быў забіты японцамі.

У Індыі Стопард атрымлівае адукацыю. Яго маці бярэ шлюб з маёрам брытанскай арміі Кенетам Стопардам, з-за чаго Том атрымлівае прозвішча Стопард. У 1946 годзе сям’я пераязджае ў Вялікабрытанію.

У 17 год Стопард кідае школу і пачынае працаваць журналістам. У 1960 годзе ён сканчае сваю першую п’есу «Шпацыр па вадзе» (A Walk on the Water), якая пазней выдавалася пад назвай «Уваходзіць вольны чалавек» (Enter a Free Man).

У 1977 годзе Стопард зацікавіўся праблемамі парушэнняў правоў чалавека ў краінах Цэнтральнай і Усходняй Еўропы і СССР. У лютым 1977 года ён наведвае СССР у складзе дэлегацыі «Міжнароднай амністыі». У чэрвені таго ж года Стопард сустракаецца ў Чэхаславакіі з Вацлавам Гаўлам. У жніўні 2005 года Стопард наведвае Мінск, дзе праводзіць семінар па драматургіі, даследуе праблемы парушэнняў правоў чалавека і палітычную сітуацыю ў Беларусі.

У 1997 годзе атрымаў рыцарскае званне.

У 1998 годзе атрымаў «Оскар» ад Амерыканскай кінаакадэміі за сцэнарый да фільма «Закаханы Шэкспір» (Shakespeare In Love).

Работы для тэатра

• «Разенкранц і Гільдэнстэрн мёртвыя» (Rosencrantz and Guildenstern Are Dead) (1967)
• «Уваходзіць вольны чалавек» (Enter a Free Man) (1968)
• «Сабака сапраўднага інспектра» (The Real Inspector Hound) (1968)
• «Пасля Магрыт» (After Magritte) (1970)
• «Скакуны» (Jumpers) (1972)
• «Травесці» (Travesties) (1974)
• «Брудны Лінен і Нова-знойдзеная-зямля» (Dirty Linen and New-Found-Land) (1976)
• «Кожны добры хлопчык заслугоўвае падтрымкі» (Every Good Boy Deserves Favour) (1977)
• «Ноч і дзень» (Night and Day) (1978)
• «Догавы Гамлет і Кагутавая Макбет» (Dogg’s Hamlet and Cahoot’s Macbeth) (1979)
• «Нязнойдзеная краіна» (Undiscovered Country) (1979)
• «У мітусні» (On the Razzle) (1981)
• «Першакласая рэч» (The Real Thing) (1982)
• «Грубае скрыжаванне» (Rough Crossing) (1984)
• «Балбатанне» (Dalliance) (1986)
• «Хэпгуд» (Hapgood) (1988)
• «Аркадыя» (Arcadia) (1993)
• «Індыйскі атрамант» (Indian Ink) (1995)
• «Вынаходніцтва кахання» (The Invention of Love) (1997)
• «Узбярэжжа Утопія» (The Coast of Utopia) (2002)

Работы для радыё, кіно і тэлевізіі

• «Трое ў чоўне» (Three Men in a Boat) (1975)
• «Мяжа» (The Boundary) (1975)
• «Прафесійнае парушэнне» (Professional Foul) (1977)
• «Бразілія» (Brazil) (1985)
• «Імперыя сонца» (Empire of the Sun) (1987)
• «Дом Расія» (The Russia House) (1990)
• «Закаханы Шэкспір» (Shakespeare In Love) (1998)
• «Загадка» (Enigma) (2001)

Спасылкі

• Біяграфія на imdb.com