Тузін.Немаўля

З пляцоўкі Вікіпедыя
Jump to navigation Jump to search
Лагатып праекта.

«Тузін.Немаўля» — праект інтэрнэт-парталу «Tuzin.fm» і Падляскай оперы і філармоніі[pl] — Еўрапейскага цэнтру мастацтва ў Беластоку. У яго межах беларускія выканаўцы — «Ilo&Friends», Сяргей Пукст і «Re1ikt» напісалі арыгінальную музыку да беларускіх нямых кінафільмаў — «Прастытутка» (1926), «Кастусь Каліноўскі» (1927), «У агні народжаная» (1929). Мастакі Васіліса Паляніна-Календа, Лявон Вольскі і Анджэй Ветэшка стварылі сучасныя плакаты да гэтых фільмаў.[1][2][3][4]

Прэзентацыя[правіць | правіць зыходнік]

Прэм’ера праекта прайшла ў Падляскай оперы і філармоніі (Беласток) 19 і 20 кастрычніка 2012 года[5], у клубах «Loft» і «Графіці» (Мінск) 22 і 25 лістапада 2012 года. Дадатковы паказ стужкі «Кастусь Каліноўскі» з жывой музыкай адбыўся 18 ліпеня 2013 года ў межах фестываля «Басовішча» ў Мастаўлянах, а таксама ў Варшаве ў межах фестываля «Bulbamovie» і на «Mirum Music Festival»-2014 у Міры. На ўручэнні музычнай прэміі «Ultra-Music Awards-2012(руск.) бел.» праект быў прызнаны «Праектам года». Афіцыйная прэм’ера ў Беларусі адбылася ў межах 20-га МКФ «Лістапад». Адмыслова да гэтай падзеі ўсе тры фільма былі прадастаўлены на кінастужцы Дзяржфільмафондам Расіі[ru]. У 2013 годзе ўдзельнікі праекту запісалі сваю музыку да фільмаў на студыях у Мінску і Беластоку адмыслова для выдання на DVD. У 2014 годзе праект стаў лаўрэатам пятага фестываля беларускамоўнай рэкламы і камунікацыі «AD.NAK!» у намінацыі «Грамадсказначныя праекты». Пра працу над праектам быў зняты фільм «B-Side» (рэжысёр Яўген Шапчыц).

Ацэнкі[правіць | правіць зыходнік]

Музычны крытык Алег Клімаў станоўча ацаніў адметны праект у 2013 годзе: «„Тузін.Немаўля“ засвяціўся яшчэ ў мінулым годзе, а ў гэтым набраў ход»[6].

Забароны[правіць | правіць зыходнік]

У 2013 годзе брэсцкі канцэрт у падтрымку праекта быў адменены гарадскімі ўладамі па ідэалагічных прычынах[7].

Зноскі

  1. Ася ПАПЛАЎСКАЯ. “Тузін.Немаўля”. Мёртвае кіно не для ўсіх , naviny.by (26.11.2012). Праверана 8 сакавіка 2019.
  2. Выйшаў трайны DVD "Тузін.Немаўля" (+відэа) , Experty.by (20/12/2013). Праверана 8 сакавіка 2019.
  3. Праект "Тузін. Немаўля" , TUT.BY . Праверана 8 сакавіка 2019.
  4. Новая работа дызайн-студыі “Адліга” для праекта “Тузін.Немаўля” , Marketing.by (29 Мая 2014). Праверана 8 сакавіка 2019.
  5. Фігуры тыдня: Сяргей Будкін, Таццяна Шаракова, Сяргей Дарафееў (бел.) . Новы Час (8 снежня 2012). Архівавана з першакрыніцы 5 красавіка 2020. Праверана 5 красавіка 2020.
  6. Чернухо, Александр Олег Климов: «В „Афише“ работают сумасшедшие люди, я серьёзно говорю» (руск.) . Ultra-music.com (30 снежня 2013). Архівавана з першакрыніцы 30 верасня 2019. Праверана 16 красавіка 2020.
  7. У Брэсце забаранілі канцэрт праекту «Тузін.Немаўля» (бел.) . Праваабарончы цэнтр «Вясна» (13 снежня 2013). Архівавана з першакрыніцы 3 красавіка 2020. Праверана 3 красавіка 2020.

Спасылкі[правіць | правіць зыходнік]