Уладзімір Іванавіч Корбан

З пляцоўкі Вікіпедыя
Jump to navigation Jump to search
Уладзімір Іванавіч Корбан
Асабістыя звесткі
Дата нараджэння 12 жніўня 1910(1910-08-12)
Месца нараджэння Барань, Аршанскі раён
Дата смерці 30 лістапада 1971(1971-11-30) (61 год)
Месца смерці
Грамадзянства
Прафесійная дзейнасць
Род дзейнасці паэт, дзіцячы пісьменнік
Жанр паэзія, байка, фельетон, апавяданне
Валодае мовамі беларуская
Мова твораў беларуская
Грамадская дзейнасць
Партыя
Узнагароды
ордэн Айчыннай вайны II ступені ордэн Працоўнага Чырвонага Сцяга ордэн Чырвонай Зоркі Ордэн «Знак Пашаны»

Уладзімір Іванавіч КОРБАН (25 жніўня 1910, Барань, Аршанскі раён, Віцебская вобласць — 30 лістапада 1971) — беларускі літаратар, байкапісец.

Біяграфічныя звесткі[правіць | правіць зыходнік]

Удзельнік Вялікай Айчыннай вайны. Працаваў на заводах у Барані, Ленінградзе, Лідзе, Оршы. З канца 1946 года да студзеня 1948 года — дырэктар цвіковага завода ў Лідзе[1]. З 1952 года працаваў у часопісе «Вожык», з 1971 — галоўны рэдактар. Заслужаны дзеяч культуры БССР (1970).

Творчасць[правіць | правіць зыходнік]

Друкаваўся з 1946. Аўтар зборнікаў сатырычных і гумарыстычных вершаў, баек і вершаваных фельетонаў «Мы іх ведаем» (1950), «Байкі» (1953), «3 вецярком» (1957), «Гарачая прыпарка» (1959), «Не на сваім месцы» (1965), «Свінні ў рэпе» (1968), «Дзям'янаваюшка» (1970), «Выбранае» (1970) і інш., зборнікаў апавяданняў і гумарэсак «Да цешчы на бліны» (1963), «Дзядзькава крыўда» (1982). Аўтар кніг для дзяцей «Янка і санкі» (1957), «Пра жывёл і пра звяроў», «Учора, сёння і заўжды» (абедзве 1963), «Суседні двор» (1967) і інш. Яго творы вылучаюцца акгуальнасцю тэматыкі, сатырычнай вастрынёй, мастацкай прастатой. Пераклаў на беларускую мову паасобныя творы I. Крылова, Л. Украінкі, С. Алейніка, Т. Масэнкі і інш.

Прэміі і ўзнагароды[правіць | правіць зыходнік]

Узнагароджаны ордэнамі Працоўнага Чырвонага Сцяга, Айчыннай вайны II ст., Чырвонай Зоркі, «Знак Пашаны».

Выбраная бібліяграфія[правіць | правіць зыходнік]

  • Шклянка чаю: Выбраше. Мн., 1970.
  • Выбранае. Мн., 1976.
  • Дзядзькава крыўда: Апавяданні, гумарэскі, турысцкія замалёўкі. Мн., 1982.
  • Не на сваім месцы: Байкі. Мн., 1990.

Зноскі

  1. Памяць: Ліда. Лідскі р-н (2004)

Літаратура[правіць | правіць зыходнік]

  • Казека Я. Няходжанай дарогай. — Мн., 1973. — С. 121—150.
  • Корбан Уладзімір Іванавіч // Беларускія пісьменнікі : біябібліяграфічны слоўнік : у 6 т. / рэдкал.: І. Э. Багдановіч [і інш.]. — Мн., 1993. — Т. 2. — С. 374.
  • Корбан Уладзімір Іванавіч // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн.: БелЭн, 1999. ISBN 985-11-0144-3. — С. 417.