Усевалад Міхайлавіч Гарачка

Усевалад Міхайлавіч Гарачка
Асабістыя звесткі
Дата нараджэння	12 снежня 1968(1968-12-12) (55 гадоў)
Месца нараджэння	Юцкі, Дзямідавіцкі сельсавет, Дзяржынскі раён, Мінская вобласць, БССР, СССР
Грамадзянства	Беларусь
Альма-матар	фізічны факультэт БДУ
Прафесійная дзейнасць
Род дзейнасці	паэт, пісьменнік
Мова твораў	беларуская
Грамадская дзейнасць
Член у	Беларускі ПЭН Саюз беларускіх пісьменнікаў Саюз пісьменнікаў Беларусі

Усевалад Міхайлавіч Гарачка (нар. 12 снежня 1968, в. Юцкі, Дзяржынскі раён) — беларускі паэт.

Біяграфія

Скончыў Дзямідавіцкую сярэднюю школу (1986), фізічны факультэт БДУ. Працаваў на НВА «Інтэграл». Станам на 2023 год працуе ў ЦРІТ БДПУ. Жыве ў Фаніпалі. Жанаты. Мае дачку.

Адзін са стваральнікаў літаратурнага руху «Бум-Бам-Літ» (вясна 1994). З 2005 года член Беларускага ПЭН-цэнтра, з 2006 — Саюза пісьменнікаў Беларусі.

Вершы піша з 1992 года. З 1993 года выступае ў перыядычным друку: спачатку з вершамі, а потым і з крытычнымі артыкуламі, эсэ, кароткімі апавяданнямі. Аўтар кніг паэзіі «Пралетарскія песні» (2004, выйшла ў серыі «Другі фронт мастацтваў») і «Даты» (2004). Таксама суаўтар некалькіх кніг, у т.л. «Тазік беларускі». Вершы апошніх гадоў друкаваліся ў газетах «Літаратура і мастацтва», «Наша Ніва», часопісе «Крыніца».

Творы

• Гарачка У. Пралетарскія песні. Мінск, Логвінаў, 2004. —72 с.
• Гарачка У. Даты. Мінск, Мастацкая літаратура, 2004.

Літаратура

• Гарачка Усевалад // Выдавецтва «Галіяфы»: Афіцыйны сайт — Эл.рэсурс goliafy.com