Уладзімір Паўлавіч Сухаверхаў

Уладзімір Паўлавіч Сухаверхаў
Марка Рэспублікі Беларусь 2008 г.
Дата нараджэння	3 снежня 1908(1908-12-03)
Месца нараджэння	Екацярынаслаў, Кацярынаслаўская губерня, Расійская імперыя
Дата смерці	4 мая 1977(1977-05-04) (68 гадоў)
Месца смерці	Мінск, Беларуская ССР, СССР
Месца пахавання	Чыжоўскія могілкі
Грамадзянства	СССР
Дзеці	Наталля Уладзіміраўна Сухаверхава
Род дзейнасці	мастак
Месца працы	Мінскі дзяржаўны мастацкі каледж імя А. К. Глебава Беларуская дзяржаўная акадэмія мастацтваў
Жанр	жывапіс
Вучоба	Віцебскае народнае мастацкае вучылішча
Уплыў на	Мікалай Канстанцінавіч Казакевіч
Член у	Саюз мастакоў БССР
Узнагароды

Уладзі́мір Па́ўлавіч Сухаве́рхаў (3 снежня 1908, Екацярынаслаў — 4 мая 1977) — беларускі жывапісец, педагог. Заслужаны дзеяч мастацтваў БССР (1955).

Канверт «100 год са дня нараджэння У. П. Сухаверхава»

Біяграфія

У 1926—1930 гадах вучыўся ў Віцебскім мастацкім тэхнікуме.

Падчас Вялікай Айчыннай вайны жыў у вёсцы Беразянка (у Пухавіцкім раёне) і разам з мастаком Соф’яй Лі дапамагаў партызанам і падпольшчыкам Мар’інай Горкі.

З 1945 года ў Беларускім саюзе мастакоў. У 1946 годзе скончыў Маскоўскі мастацкі інстытут імя В. Сурыкава. Выкладаў у Мінскім мастацкім вучылішчы (1947—1954), у Беларускім тэатральна-мастацкім інстытуце (1954—1977). У 1954—1956 гг. старшыня праўлення Саюза мастакоў БССР.

Памёр 4 мая 1977 года ў Мінску. Пахаваны на Чыжоўскіх могілках.

Дачка — Наталля Сухаверхава, мастак у галіне дэкаратыўна-прыкладнога мастацтва.

Творчасць

Працаваў у розных жанрах станковага жывапісу.

Творы знаходзяцца ў Нацыянальным мастацкім музеі Беларусі, Музеі сучаснага выяўленчага мастацтва ў Мінску, фондах Беларускага саюза мастакоў, Беларускім музеі гісторыі Вялікай Айчыннай вайны, Беларускім музеі гісторыі і культуры.

Памяць

3 снежня 2008 г. да 100-годдзя з дня нараджэння У. П. Сухаверхава Міністэрствам сувязі і інфарматызацыі Рэспублікі Беларусь уведзены ў абарачэнне РУП «Белпошта» канверт з арыгінальнай паштовай маркай

Літаратура

• Ярмоленка Г. М. Сухаве́рхаў Уладзімір Паўлавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 293. — 552 с. — 10 000 экз. — ISBN 985-11-0035-8. — ISBN 985-11-0251-2 (т. 15).
• Ярмоленка Г. Сухаве́рхаў Уладзімір Паўлавіч // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 450. — 10 000 экз. — ISBN 985-11-0214-8.

Спасылкі

• 100 лет со дня рождения Суховерхова В. П. // Сайт РУП «Белпошта»
• Кафедра жывапісу Беларускай дзяржаўнай акадэміі мастацтваў Архівавана 5 сакавіка 2016.
• Партызанскі рух(недаступная спасылка)/ Сайт Марьина Горка on-line Архівавана 30 сакавіка 2010.
• Суховерхов Владимир Павлович // Проект «Партизаны Беларуси»