ФК Вольфсбург

З пляцоўкі Вікіпедыя
Jump to navigation Jump to search
Вольфсбург
Лагатып
Поўная назва Verein für Leibesübungen Wolfsburg
Заснаваны 12 верасня 1945
Горад Вольфсбург, Германія
Стадыён Фольксваген Арэна
Умяшчальнасць: 30 000
Уладальнік Volkswagen[d]
Галоўны трэнер
Чэмпіянат Бундэсліга
2018/2019 6 месца
Сайт Афіцыйны сайт
Форма
Асноўная
форма
Форма
Гасцявая
форма
Форма
Рэзервовая
форма

«Вольфсбург» (ням.: VfL Wolfsburg) — нямецкі футбольны клуб з горада Вольфсбург. Заснаваны ў 1945 годзе. Чэмпіён Германіі 2009 года, уладальнік Кубка Германіі 2015 года. Клуб вырас з мультыспартыўнага клуба для супрацоўнікаў завода па вытворчасці аўтамабіляў «Фольксваген» у горадзе Вольфсбург, і з’яўляецца даччынай кампаніяй Volkswagen Group[2][3].

Гісторыя[правіць | правіць зыходнік]

1938—1946[правіць | правіць зыходнік]

Горад Вольфсбург быў заснаваны ў 1938 годзе як горад для рабочых заводу Фольксваген. Першым футбольным клубам, які асацыюецца з аўтазаводам, быў «BSG Volkswagenwerk Stadt des KdF-Wagen». Гэтая каманда гуляла ў Гаўлізе Ост-Гановер у сезонах 1943/44 і 1944/45.

12 верасня 1945 года быў заснаваны новы клуб — «VSK Вольфсбург». яго форма была бела-зялёнай і цяпер яна таксама выкарыстоўваецца. 15 снежня 1945 года ў клубе адбыўся крызіс, які амаль спыніў яго існаванне, бо ўсе ігракі за выключэннем аднаго пакінулі клуб. Ёзэф Маер, адзіны пакінуты ігрок, працаваў разам з Вілі Гілбертам па адраджэнні каманды і набору новых ігракоў. За год была створана новая каманда вядомая цяпер як «VfL Вольфсбург». У канцы лістапада 1946 года клуб згуляў таварыскую гульню з «Шальке 04» на стадыёне, які належыць «Фольксвагену», стаўшы такім чынам пераемнікам «BSG Volkswagenwerk Stadt des KdF-Wagen» і атрымаўшы спонсарскую падтрымку кампаніі.

1946—1963[правіць | правіць зыходнік]

«Вольфсбург» павольна, але ўстойліва прагрэсаваў у наступныя сезоны. Яны перамаглі ў некалькіх аматарскіх першынствах, але былі няздольныя прасунуцца наперад у плэй-оф на павышэнне, пакуль нарэшце, у 1954 годзе, не перамаглі футбольны клуб «Гайдэр» з лікам 2:1, што дазволіла клуба прабіцца ў Оберлігу Поўнач. Тым не менш Вольфсбург змагаўся за выжыванне ва ўсіх наступных сезонах, пакуль нарэшце не вылецеў у 1959 годзе. У 1963 годзе, на момант стварэння першай прафесійнай нямецкай футбольнай лігі — Бундэслігі, Вольфсбург зноў гуляў у Оберлізе Поўнач, якая ў той час была другой па значнасці лігай.

1963—1997[правіць | правіць зыходнік]

«Вольфсбург» знаходзіўся ў другім дывізіёне наступны тузін гадоў, на той момант іх найлепшым дасягненнем было другое месца ў 1970 годзе. Гэтае другое месца дазволіла ім змагацца ў плэй-оф за выхад у Бундэслігу, але там яны выглядалі слаба і прабіцца ў галоўную лігу Германіі не здолелі.

З сярэдзіны 1970-х і да пачатку 1990-х гадоў «Вольфсбург» гуляў у аматарскай Оберлізе Поўнач. Паслядоўныя фінішы на першым месцы ў 1991 і 1992 гадах, а затым і поспех у плэй-оф дазволіў ім выступаць у сезоне 1992/93 у Другой Бундэслізе. «Вольфсбург» бесперапынна дамагаўся пэўнага поспеху на працягу ўсіх 1990-х. Каманда выйшла ў фінал Кубка Германіі ў 1995 годзе, дзе прайграла мёнхенгладбахскай «Барусіі» з лікам 0:3. Фінішаваўшы другім у сезоне 1996/97, «Вольфсбург» усё ж такі здолеў прабіцца ў Бундэслігу.

Склад[правіць | правіць зыходнік]

Станам на верасень 2019 года.

Пазіцыя Імя Год нараджэння
Брамнікі
1 Бельгія Бр Кун Кастэлс 1992
12 Аўстрыя Бр Паваа Перван 1987
36 Германія Бр Філіп Менцэль 1998
Абаронцы
2 Бразілія Аб Вільям 1995
5 Нідэрланды Аб Джэфры Брума 1991
6 Бразілія Аб Паўлу Атавіу 1994
13 Германія Аб Янік Герхард 1994
15 Францыя Аб Жэром Русіён 1993
19 Швейцарыя Аб Кевін Мбабу 1995
25 Злучаныя Штаты Амерыкі Аб Джон Брукс 1993
31 Германія Аб Робін Кнохэ 1992
32 Дэмакратычная Рэспубліка Конга Аб Марсель Тысеран 1993
Паўабаронцы
4 Іспанія ПА Ігнасіа Камача 1990
Пазіцыя Імя Год нараджэння
Паўабаронцы
7 Харватыя ПА Ёсіп Брэкала 1998
8 Швейцарыя ПА Рэната Штэфен 1991
10 Турцыя ПА Юнус Малі 1992
11 Германія ПА Фелікс Клаус 1992
14 Швейцарыя ПА Адмір Мехмедзі 1991
23 Францыя ПА Жазуа Гілавагі Капітан каманды 1990
24 Аўстрыя ПА Ксавер Шлагер 1997
27 Германія ПА Максіміліян Арнальд 1994
37 Германія ПА Элвіс Рэджбечай 1997
38 Бельгія ПА Ісмаіл Асауі 1998
Нападнікі
9 Нідэрланды Нап Ваўт Вегорст 1992
22 Германія Нап Лукас Нмеча 1998
33 Германія Нап Даніэль Гінчэк 1991
40 Бразілія Нап Жуан Віктар 1994

Зноскі

Спасылкі[правіць | правіць зыходнік]