ФК Фрайбург

Фрайбург
Поўная назва	Sport-Club Freiburg
Заснаваны	30 мая 1904
Горад	Фрайбург, Германія
Стадыён	Шварцвальд-Штадыян Умяшчальнасць: 24 000
Галоўны трэнер	Крысціян Штрайх[d]
Чэмпіянат	Бундэсліга
2021/22	6 месца
Сайт	Афіцыйны сайт
Асноўная форма Гасцявая форма Рэзервовая форма

«Фрайбург» (ням.: SC Freiburg) — нямецкі футбольны клуб з горада Фрайбург, які размяшчаецца ў федэральнай зямлі Бадэн-Вюртэмберг. Фрайбург традыцыйна хістаецца паміж першым і другім дывізіёнамі нямецкага футбола, што дало падставу на стварэнне заўзятарамі клуба крычалкі: «Мы ідзем уніз, мы ідзем наверх, мы ідзем у Кубак УЕФА!», якая была створана ў 1990-я гады. Фолькер Фінке, які быў трэнерам клуба ў перыяд паміж 1991 і 2007 гадамі, быў найдаўжэйшым паводле тэрміну працы ў адным клубе з усіх трэнераў у гісторыі прафесійнага футбола ў Германіі. Ёахім Лёў, галоўны трэнер нямецкай зборнай у 2006—2021 гадах, з’яўляецца найлепшым бамбардзірам клуба за ўсю яго гісторыю, забіўшы 81 гол у 252 гульнях за клуб. Клуб быў заснаваны ў 1904 годзе.

Гісторыя

Раннія гады

Клуб вядзе сваю гісторыю ад двух клубаў, якія абодва былі заснаваны ў 1904 годзе, гэта значыць гэта «Freiburger Fußballverein 04», які быў створаны ў сакавіку, і «Schwalbe Freiburg», які з’явіўся толькі праз два месяцы. Абодва клубы зведалі некалькі змен назова. Так «Schwalbe Freiburg» стаў футбольным клубам «Марс» (ням.: Mars) у 1905 годзе, а праз год быў перайменаваны ў «Union Freiburg», у той жа час «Freiburger Fußballverein 04» стаў «Sportverein Freiburg 04» у 1909 годзе. Праз тры гады абодва клубы аб’ядналіся ў адзіны клуб «Фрайбург», і менавіта тады была створана эмблема клубу з выявай галавы грыфона.

У 1918 годзе пасля спусташэння Першай сусветнай вайны «Фрайбург» увайшоў у часовую дамоўленасць з клубам «Фрайбургер», каб мець магчымасць выставіць поўны склад ігракоў, і гэта часовае аб’яднанне атрымала назву «KSG Freiburg». На наступны год «Фрайбург» далучыліся да «FT 1844 Freiburg» на некаторы час як футбольны аддзел гэтага клуба. Гэтае супрацоўніцтва было адноўлена ў 1938 годзе. Клуб паспеў пагуляць на самым высокім узроўні з 1928 года, спачатку ў Бецыркслізе Бадэна, а потым і ў Гаўлізе Бадэна, з якой яны вылецелі ў 1934 годзе.

У канцы Другой сусветнай вайны, акупацыйныя ўлады саюзнікаў расфарміравалі большасць існуючых арганізацый у Германіі, у тым ліку футбольныя і спартыўныя клубы. Клубам было дазволена аднавіць сваю дзейнасць праз год, але яны павінны былі браць на сябе новыя імёны ў спробе дыстанцыявацца ад іх нядаўняга нацысцкага мінулага. Таму да 1950 года клуб быў вядомы пад новым назвай «VfL Freiburg», але пасля франка-акупацыйныя ўлады дазволілі клубам вярнуць сваю старую ідэнтычнасць. Нарэшце, у 1952 годзе, «Фрайбург» зноў пакінуў таварыства «FT Freiburg».

Склад

Станам на студзень 2023 года.

№ Паз. Імя Нар. Брамнікі 1 Бр Бенжамін Упгаф 1993 21 Бр Наа Атуболу 2002 26 Бр Марк Флекен 1993 Абаронцы 3 Аб Філіп Лінгарт 1996 5 Аб Мануэль Гульдэ 1991 17 Аб Лукас Кюблер 1992 24 Аб Кімберлі Эзеквем 2001 25 Аб Кіліян Сільдылья 2002 28 Аб Маціяс Гінтэр 1994 30 Аб Крысціян Гюнтэр (капітан) 1993 Паўабаронцы 7 ПА Жанатан Шмід 1990 8 ПА Максіміліян Эгештайн 1996

№ Паз. Імя Нар. Паўабаронцы 11 ПА Даніэль-Кафі К’ерэ 1996 14 ПА Янік Кайтэль 2000 22 ПА Роланд Шалаі 1997 23 ПА Роберт Вагнер 2003 27 ПА Нікалас Гёфлер 1990 29 ПА Чун Ву Юн 1999 32 ПА Вінчэнца Грыфа 1993 33 ПА Наа Вайсгаўпт 2001 34 ПА Мерлін Роль 2002 42 ПА Рыцу Доан 1998 Нападнікі 9 Нап Лукас Гёлер 1994 18 Нап Нільс Петэрсен 1988 38 Нап Міхаэль Грэгарыч 1994

Спасылкі

• На Вікісховішчы ёсць медыяфайлы па тэме ФК Фрайбург
• Афіцыйны сайт
• Фан-сайт клуба Архівавана 21 снежня 2011.
• Статыстыка клуба ў часопісе «Кікер»