ФК Гановер 96

Гановер 96
Поўная назва	Hannoverscher Sportverein von 1896
Заснаваны	12 красавіка 1896
Горад	Гановер, Германія
Стадыён	ХДІ-Арэна Умяшчальнасць: 49 200
Прэзідэнт	Марцін Кінд[d]
Чэмпіянат	Другая Бундэсліга
2022/23	10 месца
Сайт	Афіцыйны сайт
Асноўная форма Гасцявая форма Рэзервовая форма

«Гановер 96» (ням.: Hannover 96) — нямецкі футбольны клуб з горада Гановер, які знаходзіцца ў зямлі Ніжняя Саксонія. Заснаваны ў 1896 годзе. Двухразовы чэмпіён Германіі (1938, 1954), уладальнік Кубка Германіі (1992).

Гісторыя

Футбольны клуб «Гановер 96» быў заснаваны 12 красавіка 1896 года на базе спартыўнага клуба для школьнікаў, першымі спартыўнымі секцыямі якога былі рэгбі і атлетыка. Фарміраванне футбольнай секцыі скончылася нашмат пазней, а менавіта 25 чэрвеня 1899 года. У 1913 годзе быў утвораны «спартыўны клуб Гановер 96», у які ўвайшлі ўсе буйныя спартыўныя аб’яднанні Гановера. Клуб быў вельмі буйной арганізацыяй, адным з першых яго старшыняў быў будучы прэзідэнт Германіі Паўль фон Гіндэнбург.

Першых поспехаў клуб дасягнуў у пачатку 1930-х гадоў. Яны звязаны з імёнамі трэнера Роберта Фухса і ігракоў нацыянальнай зборнай Германіі Фрыца Дайке, Людвіга Пёлера і Эдмунда Малецкага. У гэтыя гады клуб заваяваў першае чэмпіёнства ў 1938 годзе. Усяго ж у яго актыве дзве перамогі ў чэмпіянаце Германіі і абедзве яшчэ да стварэння Бундэслігі ў 1938 і 1954 гадах, а таксама перамога ў Кубку Германіі 1992 года, які каманда выйграла як удзельнік другой лігі — першы падобны выпадак у гісторыі нямецкага футбола.

Пасля таго, як 1964 годзе клуб упершыню прабіўся ў Бундэслігу, ён пераходзіў у розныя лігі ад першай да трэцяй, шмат гадоў выступаўчы ў рэгіянальнай (трэцяй) лізе. Апошні раз клуб дамогся выхаду ў Бундэслігу ў 2002 годзе і з тых часоў выступае менавіта там. Падчас сезона 2009/10 10 лістапада 2009 года скончыў жыццё самагубствам тагачасны капітан каманды брамнік Роберт Энке.

Галоўным спонсарам клуба з’яўляецца нямецкае акцыянернае таварыства ў індустрыі турызму — TUI.

Стадыён

«Гановер 96» гуляе на стадыне AWD-Арэна, які быў пабудаваны ў 1954 годзе як «Нідэрзахзенштадыян», які зараз мае ўмяшчальнасць у 49 тысяч гледачоў. Падчас чэмпіянату свету 2006 стадыён быў месцам чатырох матчах першага раўнда і аднаго матча стадыі 1/8 фіналу. Стадыён таксама служыў у якасці пляцоўкі для правядзення матчаў чэмпіянату свету 1974 і чэмпіянату Еўропы 1988.

Заўзятары

Асноўным канкурэнтам «Гановера» з’яўляецца клуб «Айнтрахт» з Браўншвайга ў той час як маюцца іншыя суперніцтвы, менш старажытныя, як з «Вердэрам» і «Вольфсбургам». У апошнія гады прыхільнікі «Гановеру» маюць некаторую непрыязнасць да клуба «Энергі» з Котбуса, якая заснавана на інцыдэнце ў 1997 годзе ў матчы Рэгіянальнай лізе. Пражэктар на стадыёне ў Котбусе зламаўся падчас гульні, і многія прыхільнікі «Гановера» лічыць, што гэта было зроблена наўмысна і высілкі на выпраўленне асвятлення былі толькі палавіністымі. Котбус пазней перамог у перанесеным матчы з лікам 3:1.

«Гамбург» лічыцца сяброўскім клубам, прыхільнікі якой падзяляюць суперніцтва з «Вердэрам». Абодва клуба часцяком называюць HSV. Прыхільнікі «Гановера» таксама маюць добрыя адносіны з заўзятарамі дацкага клуба «Одэнсэ». Прыхільнікі клубаў часцяком прыязджаюць адзін да аднаго на стадыён, каб падтрымаць сяброў падчас матча. Існуе таксама сяброўства з «Армініяй» з Білефельда.

Склад

Станам на люты 2024 года.

№ Паз. Імя Нар. 1 Бр Рон-Роберт Цылер (капітан) 1989 4 Аб Брайт Арэй-Мбі 2003 5 Аб Філ Нойман 1997 6 ПА Фабіян Кунцэ 1998 8 ПА Энца Леапольд 2000 9 Нап Нікола Трэсольдзі 2004 10 ПА Себасцьян Эрнст 1995 11 ПА Луіс Шаўб 1994 13 ПА Макс Крысціянсен 1996 16 Нап Ховард Нільсен 1993 17 ПА Мухамед Дамар 2004 20 Аб Янік Дэм 1996

№ Паз. Імя Нар. 21 Аб Сэй Муроя 1994 23 Аб Марсель Гальстэнберг 1991 24 ПА Антоніа Фоці 2003 29 ПА Коля Удэнэ 2001 30 Бр Леа Вайнкаўф 1996 31 Аб Юліян Бёрнер 1991 32 Нап Андрэас Фогльзамер 1992 34 Аб Янік Люрс 2003 36 Нап Седрык Тойхерт 1997 37 Аб Бруклін Эзэ 2001 40 ПА Крыстафер Скот 2002

Спасылкі

• На Вікісховішчы ёсць медыяфайлы па тэме ФК Гановер 96
• Афіцыйны сайт (англ.) (ням.)
• Статыстыка клуба Архівавана 20 снежня 2012. (англ.)
• AWD-Арэна Архівавана 24 сакавіка 2006. (ням.)