Фёдар Патапавіч Майсеенка

Фёдар Патапавіч Майсеенка
Дата нараджэння	20 лютага 1894(1894-02-20)
Месца нараджэння	вёска Кругавец Гомельскага павета Магілёўскай губерні, Расійская імперыя
Дата смерці	9 снежня 1974(1974-12-09) (80 гадоў)
Месца смерці	Гомель
Грамадзянства	Расійская імперыя, СССР
Род дзейнасці	навуковец
Навуковая сфера	лесаводства
Месца працы	Беларускі НДІ лясной гаспадаркі
Навуковая ступень	доктар сельскагаспадарчых навук
Навуковае званне	прафесар
Альма-матар	Беларускі інстытут сельскай і лясной гаспадаркі
Вядомыя вучні	Уладзімір Феліксавіч Багінскі
Узнагароды

Фёдар Патапавіч Майсе́енка (20 лютага 1894 — 9 снежня 1979) — вучоны ў галіне лесаводства. Доктар сельскагаспадарчых навук (1966). Прафесар (1968). Заслужаны дзеяч навукі БССР (1974).

Біяграфія

Ф. П. Майсеенка нарадзіўся ў вёсцы Кругавец Гомельскага павета Магілёўскай губерні (сучасная вёска Кругавец-Калініна ў Добрушскім раёне Гомельскай вобласці Беларусі). У 1916 годзе скончыў школу і паступіў у Імператарскае Маскоўскае тэхнічнае вучылішча, у 1917 годзе ў Харкаўскі фізіка-тэхнічны інстытут. У гады грамадзянскай вайны, пасля вяртання на радзіму, Ф. П. Майсеенка быў прызначаны старшынёй валаснога выканкама і валасным ваенным камісарам. У 1929 годзе скончыў Беларускі інстытут сельскай і лясной гаспадаркі. З 1931 года Ф. П. Майсеенка на пасадзе загадчыка лабараторыі у Беларускім НДІ лясной гаспадаркі (з 1992 г. Інстытут лесу НАН Беларусі, Гомельскі філіял НАН Беларусі). Пасля выхаду на пенсію з 1971 года кансультант старэйшага навуковага супрацоўніка ў лабараторыі эканомікі.

Навуковая дзейнасць

Ф. П. Майсеенка займаўся пытаннямі лясной таксацыі, прапанаваў вызначэння прыросту лясных пасадак, даследаваў дынаміку росту дуброў і ельнікаў на тэрыторыі БССР, распрацаваў метад таксацыі лесасечнага фонду і склаў сартыментныя табліцы, абгрунтаваў узросты тэхнічнай спеласці і ўзросты высечкі ў лясах БССР.

Сярод апублікаваных прац:

• Объёмные и сортиментные таблицы для сосны после подсочки / Моисеенко Ф. П., Зернов В. И.; Гл. упр. лесного хоз-ва при СМ БССР, Бел. науч.-исслед. ин-т лесного хоз-ва.
• Таблицы для сортиментного учета леса на корню и методика их составления: Сосна, ель, дуб, ясень, клен, граб, берёза, осина, ольха черная, липа / Ф. П. Моисеенко; Бел. науч.-исслед. ин-т лесного хоз-ва.
• Таблицы для сортиментного учета леса на корню: Сосна, ель, дуб, ольха, берёза, осина и граб / Ф. П. Моисеенко, А. Г. Мурашко; Бел. науч.-исслед. ин-т лесного хоз-ва.
• Подеревная оценка леса на корню: Пособие для материал. и денеж. оценки леса на корню, отпускаемого колхозам и мест. населению Бел. ССР / Ф. П. Моисеенко; М-во лесного хоз-ва БССР, БелНИИЛХ, БелНИТОЛЕС.
• Таблицы для сортиментного учета леса на корню: Сосна, ель, дуб, ясень, клён, граб, берёза, осина, ольха черная, липа / Ф. П. Моисеенко; Бел. науч.-исслед. ин-т лесного хоз-ва.

Узнагароды

• Ордэн Леніна
• Ордэн Працоўнага Чырвонага Сцяга
• Ордэн «Знак Пашаны»

Памяць

У гонар Ф. П. Майсеенка названа адна з вуліц Гомеля.

Літаратура

• Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — С. 268. — 588 с., іл. — 10 000 экз.
• Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).

Спасылкі

• Владимир Багинский Учёный, учитель, патриот Архівавана 5 сакавіка 2016. (руск.)
• Майсеенка Фёдар Патапавіч на сайце анлайн-энцыклапедыі «Беларусь у асобах і падзеях»