ХАМАС
| Хамас | |
| حركة المقاومة الإسلامية | |
 | |
| Іншыя назвы: | «Ісламскі рух супраціўлення» |
|---|---|
| Этнічная прыналежнасць: | палесцінскія арабы |
| Рэлігійная прыналежнасць: | іслам суніцкага толку |
| Лідары: | Ісмаіл Ханія |
| Актыўная ў: | Сектар Газа, Заходні бераг ракі Іардан |
| Колькасць членаў: | 20 000[1] |
| Удзел у канфліктах: | Палесціна-ізраільскі канфлікт |
ХАМА́С (араб. حماس, поўная назва — араб. حركة المقاومة الإسلامية, «Ісламскі рух супраціўлення») — палесцінскі ісламісцкі[2] рух і палітычная партыя, якая кіруе ў сектары Газа (з ліпеня 2007 года). Асацыяванае вайсковае крыло — брыгады «Із ад-Дзін аль-Касам».
ХАМАС прызнаны тэрарыстычнай арганізацыяй Ізраілем, Егіптам[3], Канадай, ЗША і Японіяй, а таксама забаронены ў Іарданіі і Егіпце[4]. У Аўстраліі і Вялікабрытаніі тэрарыстычным прызнаюць толькі вайсковае крыло ХАМАС. У снежні 2014 года Еўрапейскі суд агульнай юрысдыкцыі наказаў выключыць ХАМАС са спіса тэрарыстычных арганізацый Еўрапейскага саюза, пакінуўшы ў сіле спіс ЕС ад 22.07.2014, які ўключае ХАМАС. 27 сакавіка 2015 года ЕС падоўжыў прызнанне ХАМАС тэрарыстычнай арганізацыяй на перыяд разгляду пададзенай ім апеляцыі на рашэнне суда.
