Ходараў

Вёска Ходараў Краіна Беларусь Вобласць Магілёўская Раён Слаўгарадскі Сельсавет Гіжэнскі Каардынаты 53°30′29″ пн. ш. 31°06′38″ у. д. Колькасць двароў 19 Насельніцтва 39 чалавек (2011) Часавы пояс UTC+3 Тэлефонны код +375 2246 Паштовы індэкс 213242 Аўтамабільны код 6 Ходараў на карце Беларусі ±

Хо́дараў (трансліт.: Chodaraŭ, руск.: Ходоров) — вёска ў Слаўгарадскім раёне Магілёўскай вобласці. Уваходзіць у склад Гіжэнскага сельсавета.

У вёсцы працуе ФАП і дом сацыяльнага абслугоўвання насельніцтва.

Гісторыя

Узнікла пасля 1917 года. Насельнікамі яе былі жыхары вёсак Усохі і Аляксандраўка. Назва паходзіць ад імя Ходар (Тодар, Хвёдар).

Перад вайной у вёсцы жыло 252 чалавекі.

Падчас Вялікай Айчыннай вайны ў жніўні 1943 года гітлераўцамі было спалена 69 двароў (з 71 да вайны), забіта 18 жыхароў.

Насельніцтва

• 2011 год — 39 чалавек
• 2010 год — 40 чалавек
• 1999 год — 80 чалавек
• 1926 год — 81 чалавек

Інфраструктура

У вёсцы працуе фэльчарска-акушэрскі пункт і дом сацыяльнага абслугоўвання насельніцтва.

Славутасці

• Брацкая магіла савецкіх воінаў, якія загінулі ў 1943 годзе ў баях супраць нямецкіх захопнікаў ці памерлі ад ран у шпіталі.
• Магіла капітана Я. І. Ермалаева, які загінуў 27 лістапада 1943 г. у баі супраць нямецкіх захопнікаў.

Вядомыя асобы

• Алесь Масарэнка (нар. 1938) — беларускі празаік, перакладчык.
• Мікалай Мікалаевіч Семяненка (нар. 1939) — беларускі вучоны ў галіне глебазнаўства і аграхіміі.
• Таццяна Пятроўна Кананчук (нар. 1966) — беларускі педагог і палітык.
• Мікалай Разумаў (нар. 1955) — грамадскі і палітычны дзеяч, лідар рабочага руху, палітвязень.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх