Бярозаўка (Слаўгарадскі раён)

З пляцоўкі Вікіпедыя
Jump to navigation Jump to search
Вёска
Бярозаўка
Краіна
Вобласць
Раён
Сельсавет
Каардынаты
Вышыня цэнтра
132 м
Колькасць двароў
105[1]
Насельніцтва
229[1] чалавек (2011)
Часавы пояс
Тэлефонны код
+375 2246
Паштовы індэкс
213244
Аўтамабільны код
6
Бярозаўка на карце Беларусі ±
Бярозаўка (Слаўгарадскі раён) (Беларусь)
Бярозаўка (Слаўгарадскі раён)
Бярозаўка (Слаўгарадскі раён) (Магілёўская вобласць)
Бярозаўка (Слаўгарадскі раён)

Бяро́заўка[2] (трансліт.: Biarozaŭka, руск.: Берёзовка) — вёска ў Слаўгарадскім раёне Магілёўскай вобласці. Уваходзіць у склад Гіжэнскага сельсавета.

Гісторыя[правіць | правіць зыходнік]

У пісьмовых крыніцах згадваецца з XVII стагоддзя. У 1635 годзе абруб Паўлава Бярозаўка ў Благавіцкім войтаўстве Магілёўскай эканоміі Аршанскага павета Рэчы Паспалітай, дзяржаўная ўласнасць[3]. У 1708 г. падчас Паўночнай вайны у данясенні камандуючага корпусам Боўра Пятру I паказваецца в Бярозаўка[4]:

Сего сентября 27 дня в пути, не дошед вёски Берёзовки, получилъ ваш царского величества указ через Масора Чирикова, И пришёл в тое вёску Берёзовку, и стал промеж вёсак Берёзовка и Улуки. И сей ночи переберязь реку Проню, пойду до указанного места…

У 1742 годзе налічвалася 13 гаспадарак. У 1765 годзе — вёска (5 двароў, у якіх ніхто не жыў), дзяржаўная маёмасць у Прапойскім старостве. У 1769 годзе 7 двароў, 9 жыхароў. Пасля 1-га падзелу Рэчы Паспалітай (1772) у складзе Расійскай імперыі. У 1786 г. ў Рагачоўскім павеце, 8 двароў, 60 жыхароў, уласнасць памешчыка. У 1858 годзе 61 двор, 297 жыхароў. У 1880 годзе 70 двароў, 352 жыхара. Частка вяскоўцаў займалася бондарствам. У 1897 годзе 105 двароў, 712 жыхароў, у Доўжанскай воласці Чэрыкаўскага павету. Меліся школы граматы і карчма. У 1905 адкрыта казённая вінная крама. У 1907 годзе школа граматы ператворана ў земскую, якая размясцілася ў наёмным памяшканні. У 1909 годзе 112 двароў, 827 жыхароў. З 1919 г. у Быхаўскім павеце Гомельскай губерні РСФСР, з 1924 года ў Прапойскім (з 23.05.1945 г. Слаўгарадскім) раёне Магілёўскага акругі БССР[3].

Перад вайной у вёсцы жыло 402 чалавекі[5].

Падчас Вялікай Айчыннай вайны была акупаваная гітлераўцамі. У жніўні 1943 года імі было спалена 136 двароў (са 141 да вайны), забіта 12 жыхароў[5]. На вайне загінула 134 жыхара вёскі.

Геаграфія[правіць | правіць зыходнік]

Геаграфічна вёска знаходзіцца ў 27 км на поўнач ад Слаўгарада, у 67 км ад Магілёва, у 22 км ад чыгуначнай станцыі Чавусы на лініі Магілёў — Крычаў[3].

На адлегласці прыкладна 2 км ад Бярозаўкі працякае рака Проня. Рэльеф раўнінны, на захадзе мяжуе з лесам, працякае ручай — прыток р. Проня. Транспартная сувязь па дарозе праз в. Целяшы, Гіжэнка, Ходарава і далей па трасе Слаўгарад — Чэрыкаў.

На 2007 год у Бярозаўцы было 93 гаспадаркі, 221 жыхар[3], на 2011 год 105 двароў, 229 жыхароў[1].

Насельніцтва[правіць | правіць зыходнік]

  • 2011 год — 105 двароў, 229 жыхароў[1]
  • 2009 год — 205 жыхароў
  • 2007 год — 93 гаспадаркі, 221 жыхар[3]
  • 1999 год — 275 жыхароў

Вытворчасць[правіць | правіць зыходнік]

У вёсцы знаходзіцца ферма па гадоўлі буйной рагатай жывёлы, майстэрні па рамонце сельскагаспадарчай тэхнікі, зернесушыльны комплекс.

Інфраструктура[правіць | правіць зыходнік]

У вёсцы ёсць Бярозаўскі вучэбна-педагагічны комплекс «Дзіцячы садок — школа». Таксама ў населеным пункце працуюць клуб, бібліятэка, фельчарска-акушэрскі пункт, паштовае аддзяленне і крама.

Славутасці[правіць | правіць зыходнік]

У вёсцы знаходзіцца мемарыял у памяць воінаў і партызан, якія загінулі ў час Вялікай Айчыннай вайны[6].

Вядомыя асобы[правіць | правіць зыходнік]

Зноскі

  1. 1,0 1,1 1,2 1,3 КОЛИЧЕСТВО НАСЕЛЕНИЯ СЛАВГОРОДСКОГО РАЙОНА (руск.) 
  2. Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. ISBN 978-985-458-159-0. (DJVU)
  3. 3,0 3,1 3,2 3,3 3,4 Гарады і вёскі Беларусі: Энцыклапедыя ў 15 тамах. Т. 7, кн. 3. Магілёўская вобласць / С. В. Марцэлеў; Рэдкалегія: Т. У. Бялова (галоўны рэдактар) і інш. — Мн.: БелЭн, 2009. — 544 с.: іл. ISBN 978-985-11-0452-5.
  4. Книга памяти. Слаўгарадскi раён [Славгородский район] / Рэд.-склад.: П. С. Ерашэнка; Рэдкал.: Г. К. Кiсялёў, В. В. Берастаў i iнш.— Мінск: БЕЛТА, 1999.— 591 с.: iл.— 3500 экз. ISBN 985-6302-15-3
  5. 5,0 5,1 Березовка (руск.) 
  6. Фота помніка
  7. Балукоў Іван Цімафеевіч

Літаратура[правіць | правіць зыходнік]

  • Гарады і вёскі Беларусі: Энцыклапедыя ў 15 тамах. Т. 7, кн. 3. Магілёўская вобласць / С. В. Марцэлеў; Рэдкалегія: Т. У. Бялова (галоўны рэдактар) і інш. — Мн.: БелЭн, 2009. — 544 с.: іл. ISBN 978-985-11-0452-5.
  • Книга памяти. Слаўгарадскi раён [Славгородский район] / Рэд.-склад.: П. С. Ерашэнка; Рэдкал.: Г. К. Кiсялёў, В. В. Берастаў i iнш.— Мінск: БЕЛТА, 1999.— 591 с.: iл.— 3500 экз. ISBN 985-6302-15-3

Спасылкі[правіць | правіць зыходнік]