Хрыбет Чэрскага (Усходняя Сібір)

З Вікіпедыі, свабоднай энцыклапедыі
Хрыбет Чэрскага?
Краіна
Хрыбет Чэрскага (Усходняя Сібір) (Расія)
Хрыбет Чэрскага (Усходняя Сібір)
Лагатып Вікісховішча Медыяфайлы на Вікісховішчы

Хрыбет Чэрскага — горная сістэма ў Паўночна-Усходняй Сібіры. Найвышэйшы пункт — гара Перамога (3147 м).

Распасціраецца ад ніжняга цячэння ракі Яна да вярхоўяў р. Калыма на 1500 км, шырыня да 400 км. Галоўныя хрыбты: Хадаранья, Тас-Хаяхтах, Чэмалгінскі, Курундзя, Чыбагалахскі, Баронг і інш. Утвораны сістэмай асобных хрыбтоў, масіваў, пласкагор’яў і міжгорных упадзін-грабенаў. Пераважаюць сярэдневышынныя горы. Найбольшыя ўпадзіны Мома-Селеняхская, Туастахская. Горная сістэма складзена з метамарфічных парод пратэразою і ніжняга палеазою, сланцаў і пясчанікаў мезазою, прарваных інтрузіямі юрскіх гранітаў. Больш за 350 ледавікоў, агульная плошча 157 км². Характэрныя формы мярзлотнага рэльефу. Радовішчы золата, волава, каменнага вугалю. Схілы гор укрыты лістоўнічнай тайгой. Вышэй мяжы лесу (650 м на поўдні, 250—400 м на поўначы) пояс кедравага сланіку, хмызняковай вольхі, горнай тундры; на вяршынях найбольш высокіх хрыбтоў камяністыя пустыні. У далінах рэк гаі з таполі і чазеніі.

Адкрыты ў 1926 годзе С. В. Обручавым і названы ў гонар даследчыка Сібіры Яна Чэрскага.