Калымскае нагор’е

Калымскае нагор'е, Гыдан — нагор'е на паўночным усходзе Расіі, пераважна Магаданскай вобласці.

Даўжыня каля 1300 км ад хрыбта Сунтар-Хаята на ўсход і паўночны ўсход да даліны р. Малы Анюй і вытокаў р. Анадыр. Аддзяляе басейн ракі Калымы ад рэк басейна Ціхага акіяна. Складаецца з плато, сярэднегорных хрыбтоў і масіваў. Вышыня да 1962 м.

На заходнім схіле клімат рэзка кантынентальны. Сярэднія тэмпературы ліпеня 8—10 °С, студзеня -40 °С. Лета сухое. Усходні схіл наветраны, вільготны. Сярэдняя тэмпература ліпеня 4 °С, студзеня да -20 °С.

Літаратура

• Калымскае нагор'е // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1998. — Т. 7: Застаўка — Кантата. — 604 с. — 10 000 экз. — ISBN 985-11-0130-3 (т. 7), ISBN 985-11-0035-8.