Эльбурс

Шыракалістыя лясы Эльбурса

Эльбурс
Дэмавенд
Геаграфічнае становішча
Уваходзіць у	Альпійска-Гімалайскі пояс
Краіны	Іран
36°04′33″ пн. ш. 51°47′46″ у. д.
Памеры
Плошча	155 970 км²
Даўжыня	600 км
Шырыня	130 км
Найвышэйшы пункт
Найвышэйшы пункт	Дэмавенд
Вышыня	5609 м
Медыяфайлы на Вікісховішчы

Эльбу́рс — горы на поўначы Ірана, каля паўднёвага ўзбярэжжа Каспійскага мора.

Утвараюць паўночную ўскраіну Іранскага нагор’я. Даўжыня каля 900 км. Некалькі паралельных хрыбтоў з пераважнымі вышынямі 2000—3000 м, найбольшая — 5604 м (вулкан Дэмавенд — найвышэйшы пункт Ірана). Складзены пераважна з вапнякоў і пясчанікаў, Дэмавенд — з андэзітавых лаў. Вяршынныя паверхні выраўнаваныя, схілы стромкія. Эльбурс прарэзаны скразной цяснінай р. Сефідруд. На паўночных схілах — густыя шыракалістыя лясы, на паўднёвых — ксерафітныя хмызнякі.

Цэнтральнаэльбурскі нацыянальны парк, некалькі заказнікаў.

Літаратура

• Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — 472 с. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).