Шапавалы (Валожынскі сельсавет)

Вёска Шапавалы Краіна Беларусь Вобласць Мінская Раён Валожынскі Сельсавет Валожынскі Каардынаты 54°06′13″ пн. ш. 26°33′37″ у. д. Насельніцтва ▲28 чал. (2019) Часавы пояс UTC+3 Тэлефонны код +375 1772 Аўтамабільны код 5 СААТА 6220817161 Шапавалы Шапавалы Шапавалы

Шапава́лы (трансліт.: Šapavaly, руск.: Шаповалы) — вёска ў Валожынскім раёне Мінскай вобласці. Уваходзіць у склад Валожынскага сельсавета.

Геаграфія

Знаходзіцца за 1 км на паўночны ўсход ад Валожына, 21 км ад чыг. ст. Валожын на лініі Маладзечна—Ліда, 76 км ад Мінска.

Транспартныя сувязі па шашы Валожын—Маладзечна, якая праходзіць непадалёку ад вёскі. Драўляныя сялянскія сядзібы пастаўлены ўздоўж прасёлачнай дарогі, якая ідзе да шашы.

Гісторыя

Заснавана ў 1920-я гады. Тэрыторыя з 1921 года пад уладай Польшчы.

З лістапада 1939 года ў БССР. З 12 кастрычніка 1940 г. маёнтак у Брыльскім сельсавеце Валожынскага раёна Баранавіцкай вобласці, 90 жыхароў. З 25 чэрвеня 1941 г. да 5 ліпеня 1944 г. акупіравана нацыстамі.

З 20 верасня 1944 года ў Маладзечанскай вобласці. У 1959 годзе 6 жыхароў. З 20 студзеня 1960 года ў Мінскай вобласці, з 1962 года ў Валожынскім ельсавеце, з 25 снежня 1962 года ў Маладзечанскім, з 6 студзеня 1965 года ў Валожынскім раёнах.

З 1963 года сельскагаспадарчыя землі ў складзе калгаса «17 Верасня» (цэнтр — в. Брылькі). Размяшчаліся маслазавод, ферма буйной рагатай жывёлы. У 1994 годзе 7 двароў, 29 жыхароў.

Насельніцтва

Год Колькасць 1999 29 2009 25 2019 28

Эканоміка

Валожынскі філіял ААТ «Маладзечанскі малочны камбінат» (2009).

Вядомыя асобы

• Станіслаў Антонавіч Багданкевіч (нар. 1937) — беларускі эканаміст і палітычны дзеяч, старшыня праўлення Нацыянальнага банка Рэспублікі Беларусь (1991—1995).

Літаратура

• Гарады і вёскі Беларусі: Энцыклапедыя. Т. 8: Мінская вобласць, кн. 1 / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2010. — 736 с.: іл. — 2 000 экз. — ISBN 978-985-11-0520-1.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх