Юльян Кжыжаноўскі

Юльян Кжыжаноўскі
польск.: Julian Krzyżanowski
Дата нараджэння	4 ліпеня 1892(1892-07-04)
Месца нараджэння	Стаянці, Q11825668?, Львоўскае ваяводства, Польская Рэспубліка
Дата смерці	19 мая 1976(1976-05-19) (83 гады)
Месца смерці	Варшава, Варшаўскае сталічнае ваяводства, Польская Народная Рэспубліка
Месца пахавання	Вайсковыя могілкі Павонзкі[d]
Грамадзянства	Польшча
Жонка	Zofia Świdwińska-Krzyżanowska[d]
Дзеці	Ежы Роман Кжыжаноўскі[d]
Род дзейнасці	гісторык літаратуры, філолаг, паланіст, фалькларыст
Месца працы	Латвійскі ўніверсітэт Варшаўскі ўніверсітэт Калумбійскі ўніверсітэт Люблінскі каталіцкі ўніверсітэт
Навуковая ступень	прафесар
Альма-матар	Ягелонскі ўніверсітэт
Член у	Польская акадэмія ведаў[d] Польская акадэмія навук Сербская акадэмія навук і мастацтваў (19 мая 1976) Zarzewie[d] Польскае народазнаўчае таварыства[d]
Узнагароды
Медыяфайлы на Вікісховішчы

Юльян Кжыжаноўскі (польск.: Julian Krzyżanowski; 4 ліпеня 1892, в. Стаянцы, цяпер Масціскі раён Львоўскай вобл., Украіна — 19 мая 1976) — польскі літаратуразнавец і фалькларыст. Член Польскай АН у Кракаве (1933), Польскай АН (1951), Сербскай АН (1965).

Біяграфія

Скончыў Ягелонскі ўніверсітэт (Кракаў, 1914). У 1930—34 прафесар Рыжскага ўніверсітэта, у 1934—39, 1945—62 — Варшаўскага ўніверсітэта. У 1957—58 выкладаў у Калумбійскім універсітэце ў Нью-Ёрку. У 1969—73 у Інстытуце літаратурных даследаванняў Польскай АН.

Галоўная праца — «Гісторыя польскай літаратуры ад старажытнасці да найноўшых часоў» (1969). Аўтар кніг «Паралелі: Параўнаўчыя даследаванні з пагранічча літаратуры і фальклору» (1935), «Польскі неарамантызм 1890—1918» (1963), «Навука пра літаратуру» (1966), манаграфій пра творчасць польскіх пісьменнікаў, артыкула пра А. Рыпінскага «Польскі Тыртэй і дзекабрысты» (1954). Праблемам фальклору прысвяціў працы «У свеце народнай казкі» (1980), «Нарысы па фалькларыстыцы» (т. 1—3, 1980). Даследаваў зборнік апрацаваных беларускіх народных казак, анекдотаў, апавяданняў з ваколіц Навагрудка «Польскі казачнік» А. Глінскага (т. 1—4, 1853), беларускія фальклорныя матывы ў творчасці А. Міцкевіча, этымалогію і гісторыю ўжывання прыказак і прымавак, пашыраных у польскай і ўсходнеславянскіх мовах («Разумнай галаве хопіць двух слоў», т. 1—2, 1958—60). У працы «Польская народная казка ў сістэматызаваным размеркаванні» (т. 1—2, 1947) сістэматызаваў матывы польскіх народных казак. Рэдактар і адзін з аўтараў «Слоўніка польскага фальклору» (1965).

Прэміі і ўзнагароды

Дзяржаўная прэмія Польшчы (1964).

Літаратура

• Казбярук У. Кжыжаноўскі Юльян // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).