Якаў Кірылавіч Міхалёў

Якаў Кірылавіч Міхалёў
Якаў Кірылавіч Міхалёў
Дата нараджэння	20 сакавіка 1909
Месца нараджэння	Машкова, Горацкі павет, Магілёўская губерня, Расійская імперыя;
Дата смерці	1985
Род дзейнасці	аграном
Навуковая сфера	земляробства
Месца працы	Магілёўская абласная сельскагаспадарчая доследная станцыя
Навуковая ступень	доктар сельскагаспадарчых навук
Альма-матар	Беларуская дзяржаўная сельскагаспадарчая акадэмія;

Якаў Кірылавіч Міхалёў^[1] (нар. 20 сакавіка 1909 г., Машкова, Горацкі раён, Магілёўская вобласць — 27 мая 1985) — беларускі вучоны ў галіне земляробства. Доктар сельскагаспадарчых навук (1974).

Біяграфія[правіць | правіць зыходнік]

Скончыў Беларускую сельскагаспадарчую акадэмію ў 1931 годзе. Працаваў настаўнікам у Дрыбіне^[2]. У 1940 годзе пераведзены ў пасёлак Турскавы (Рагачоўскі раён) на пасаду намесніка дырэктара доследнай станцыі^[2]. На пачатку Вялікай Айчыннай вайны знаходзіўся ў камандзіроўцы ў Брэсце. У ліпені—лістападзе 1941 г. удзельнічаў у баях на Бранскім фронце, атрымаў кантузію і пасля лячэння дэмабілізаваны ў пачатку 1942 г.^[2] Да 1946 года працаваў у горадзе Халтурын Кіраўскай вобласці дырэктарам тэхнікума і дырэктарам вучэбнай гаспадаркі^[2]. У 1946 годзе вярнуўся на радзіму і ў 1947 годзе абараніў дысертацыю кандыдата сельскагаспадарчых навук^[2]. У 1947 годзе прызначаны дырэктарам доследнай станцыі^[2]. З 1959 г. на Магілёўскай абласной сельскагаспадарчай доследнай станцыі (да 1970 г. намеснік дырэктара) у вёсцы Дашкаўка^[2] Магілёўскага раёна.

Навуковая і грамадская дзейнасць[правіць | правіць зыходнік]

Я. К. Міхалёву належаць больш за 200^[2] навуковыя прац па агратэхніцы збожжавых і зернебабовых культур. У 1954 годзе апублікаваў манаграфію «Паляпшэнне лугоў і пашаў БССР». Быў членам Савета Беларускай сельскагаспадарчай акадэміі. Неаднаразова абіраўся дэпутатам мясцовых Саветаў^[2].

Бібліяграфія[правіць | правіць зыходнік]

Рекомендации по возделыванию люцерны на Могилевщине / [подготовили: Я. К. Михалев, В. В. Шапиро]. — Могилев, 1975.
Паляпшэнне лугоў і пашаў БССР / Я. К. Міхалёў. ― Мінск, 1954.

Узнагароды[правіць | правіць зыходнік]

Медаль «За адвагу»^[2]
Ордэн Айчыннай вайны II ступені^[2]

Зноскі

↑ Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10.
↑ ^а ^б ^в ^г ^д ^е ^ё ^ж ^з ^і ^к Владимир Лившиц Яков Михалев – ученый из деревни Машково (руск.)

Літаратура[правіць | правіць зыходнік]

Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).

Спасылкі[правіць | правіць зыходнік]

Міхалёў, Якаў Кірылавіч (доктар сельскагаспадарчых навук, аграномія ; 1909—1985) // Нацыянальная бібліятэка Беларусі
Владимир Лившиц Яков Михалев – ученый из деревни Машково (руск.) // Інфармацыйны рэсурс пра Горацкі, Дрыбінскі і Мсціслаўскі раёны Магілёўскай вобласці: horki.info

[БЭ10-1] Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10.

[ВЛ-2] а ^б ^в ^г ^д ^е ^ё ^ж ^з ^і ^к Владимир Лившиц Яков Михалев – ученый из деревни Машково (руск.)

[1]

[2]