Якуб Мустафавіч Александровіч

Якуб Мустафавіч Александровіч
Дата нараджэння	15 студзеня 1934(1934-01-15) (90 гадоў)
Месца нараджэння	Клецк, Нясвіжскі павет, Навагрудскае ваяводства, Польская Рэспубліка
Грамадзянства	Беларусь  СССР
Род дзейнасці	эканаміст
Навуковая сфера	эканоміка, эканоміка і рэгіянальная эканоміка[d]
Месца працы	Інстытут эканомікі НАН Беларусі НДІ эканомікі і эканоміка-матэматычных метадаў планавання[d] Беларускі дзяржаўны інстытут народнай гаспадаркі імя В. У. Куйбышава
Навуковая ступень	доктар эканамічных навук і доктар эканамічных навук (1990)
Навуковае званне	прафесар прафесар (1991)
Альма-матар	Беларускі дзяржаўны інстытут народнай гаспадаркі імя В. У. Куйбышава (1957)
Узнагароды	Ганаровая грамата Савета Міністраў Рэспублікі Беларусь (2001)

Якуб Мустафавіч Александровіч (нар. 15 студзеня 1934, Клецк) — савецкі і беларускі вучоны-эканаміст. Доктар эканамічных навук (1990), прафесар (1991).

Біяграфія

Нарадзіўся 15 студзеня 1934 года ў Клецку ў сям’і польска-літоўскіх татар. У 1957 годзе скончыў улікова-эканамічны факультэт БДІНГ імя В. У. Куйбышава. У 1961—1967 гадах на навукова-даследчай працы ў Інстытуце эканомікі Акадэміі Навук Беларускай ССР: аспірант, малодшы, старшы навуковы супрацоўнік. У 1968—1990 гадах — загадчык сектара, загадчык аддзела НДІ эканомікі і эканоміка-матэматычных метадаў планавання пры Дзяржплане Беларускай ССР.

У 1990 годзе прысвоена ступень доктара эканамічных навук. З 1990 года — прафесар кафедры планавання і прагназавання БДІНГ.

Навуковая дзейнасць

Спецыялізуецца ў галіне рэгіянальнай эканомікі і прагназавання сацыяльна-эканамічнага развіцця на доўгатэрміновую і сярэднетэрміновую перспектыву.

Аўтар звыш 130 навуковых прац, у тым ліку 4 манаграфій. Браў удзел у распрацоўцы найважнейшых тэм рэспубліканскага значэння — генеральных схем развіцця і размяшчэння прадукцыйных сіл Беларусі на перыяд да 1990, 2000 і 2005 гадоў, Асноўных напрамкаў сацыяльна-эканамічнага развіцця Рэспублікі Беларусь на перыяд да 2010 года, Праграмы сацыяльна-эканамічнага развіцця Рэспублікі Беларусь на 2001—2005 гады, Канцэпцыі і праекта Нацыянальнай стратэгіі ўстойлівага сацыяльна-эканамічнай развіцця Рэспублікі Беларусь на перыяд да 2020 года, Праграмы структурнай перабудовы і павышэння канкурэнтаздольнасці эканомікі Рэспублікі Беларусь.

Якуб Мустафавіч прымае ўдзел у арганізацыі і правядзенні розных канферэнцый, семінараў, сімпозіумаў, у тым ліку міжнародных, і выступае з дакладамі. Актыўна ўдзельнічае ў працы рэдакцыйных калегій «Беларускага эканамічнага часопіса» і эканамічнага бюлетэня НДЭІ «Беларуская эканоміка: аналіз, прагноз, рэгуляванне».

Вялікую працу Я. М. Александровіч ажыццяўляе ў галіне падрыхтоўкі навуковых кадраў. Ён з’яўляецца старшынёй Савета па абароне дысертацый пры НДЭІ Мінэканомікі Рэспублікі Беларусь. За высокія дасягненні ў галіне эканамічнай навукі і распрацоўку праграм сацыяльна-эканамічнага развіцця Рэспублікі Беларусь узнагароджаны Ганаровымі граматамі Савета Міністраў Рэспублікі Беларусь і Міністэрства эканомікі Рэспублікі Беларусь.

Літаратура

• Александровіч Якуб Мустафавіч // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — С. 240. — 10 000 экз. — ISBN 985-11-0035-8. — ISBN 985-11-0036-6 (т. 1).

Спасылкі

• Якуб Мустафович Александрович (руск.) // Беларускі эканамічны партал — ekonomika.by
• Александровіч Якуб Мустафавіч на сайце анлайн-энцыклапедыі «Беларусь у асобах і падзеях»