Ясяні

З пляцоўкі Вікіпедыя
Jump to navigation Jump to search
Вёска
Ясяні
Краіна
Вобласць
Раён
Сельсавет
Каардынаты
Першае згадванне
Часавы пояс
Тэлефонны код
+375 2344
Аўтамабільны код
3
Ясяні на карце Беларусі ±
Ясяні (Беларусь)
Ясяні
Ясяні (Гомельская вобласць)
Ясяні

Ясяні́[1] (трансліт.: Jasiani, руск.: Ясени) — былая вёска ў Брагінскім раёне Гомельскай вобласці. Уваходзіла ў склад Чамярыскага сельсавета.

Пасля катастрофы на Чарнобыльскай АЭС і радыяцыйнага забруджвання жыхары (20 сем'яў) пераселены ў чыстыя месцы.

Да 26 верасня 2006 года вёска ўваходзіла ў склад Дублінскага сельсавета[2]. Афіцыйна ліквідавана 20 жніўня 2008 года[3].

Геаграфія[правіць | правіць зыходнік]

Размяшчэнне[правіць | правіць зыходнік]

У 4 км на паўднёвы захад ад Брагіна, 28 км ад чыгуначнай станцыі Хойнікі (на галінцы Васілевічы — Хойнікі ад лініі Калінкавічы — Гомель), 134 км ад Гомеля.

Побач з вёскай ёсць радовішчы гліны і торфу.

Транспартная сетка[правіць | правіць зыходнік]

Побач аўтадарога Камарын — Хойнікі.

Планоўка складаецца з прасталінейнай мерыдыянальнай вуліцы, да якой на поўначы далучаецца з усходу кароткая прасталінейная вуліца. Забудова драўлянымі хатамі сядзібнага тыпу.

Гісторыя[правіць | правіць зыходнік]

Па пісьмовых крыніцах вядомая з XVI стагоддзя як сяліба Ясенеў, валоданне князя Вішнявецкага, а ў 2-й палове XVII стагоддзя — Каняцпольскіх. Пасля 2-га падзела Рэчы Паспалітай (1793 год) у складзе Расійскай імперыі. У 1850 годзе ў Рэчыцкім павеце Мінскай губерні. Паводле перапісу 1897 года размяшчаліся: школа граматы, вятрак, у Брагінскай воласці Рэчыцкага павета Мінскай губерні.

З 8 снежня 1926 года па 30 снежня 1927 года цэнтр Ясенеўскага сельсавета Брагінскага раёна Рэчыцкай, з 9 чэрвеня 1927 года Гомельскай акруг.

У 1931 годзе арганізаваны калгас «Ленінец», працавалі цагельня (з 1928 года), вятрак і гамарня. Падчас Вялікай Айчыннай вайны на франтах і ў партызанскай барацьбе загінулі 42 мясцовых жыхара. У памяць пра загінулых у 1970 годзе ў цэнтры вёскі ўсталяваны абеліск і скульптурная кампазіцыя (партызан з дзяўчынкай). У 1959 годзе была цэнтрам калгаса «Запаветы Леніна». Месцаваліся млын, механічная і швейная майстэрні, васьмігадовая школа, Дом культуры, бібліятэка, фельчарска-акушэрскі пункт, крама.

Насельніцтва[правіць | правіць зыходнік]

Колькасць[правіць | правіць зыходнік]

  • 2010 год — жыхароў няма.

Дынаміка[правіць | правіць зыходнік]

  • 1850 год — 158 жыхароў.
  • 1897 год — 49 двароў, 355 жыхароў (паводле перапісу).
  • 1908 год — 59 двароў, 335 жыхароў.
  • 1959 год — 504 жыхара (паводле перапісу).
  • 1980-я — жыхары (20 сем'яў) пераселены.

Зноскі

Літаратура[правіць | правіць зыходнік]

  • Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0

Спасылкі[правіць | правіць зыходнік]