Яўген Васьковіч

З пляцоўкі Вікіпедыя
Jump to navigation Jump to search

Яўген Васьковіч (нар. 26 лютага 1990, Бабруйск) — беларускі грамадскі актывіст, лідар арганізацыі «Малады фронт» (з 2017), сябра беларускай асацыяцыі журналістаў, палітвязень.

Біяграфія[правіць | правіць зыходнік]

Нарадзіўся ў Бабруйску ў сям’і рабочых. Вучыўся ў бабруйскай школе журналістыкі. Пасля школы вучыўся завочна на журналісцкім аддзяленні філалагічнага факультэту Магілёўскага дзяржаўнага ўніверсітэту імя Куляшова. Працаваў у газеце «Бабруйскі кур’ер».

Прыхільнік партыі Беларуская хрысціянская дэмакратыя. Кандыдат ад партыі Беларуская хрысціянская дэмакратыя на выбарах у мясцовыя Саветы дэпутатаў РБ у 2010 г. 18 красавіка 2010 г. быў затрыманы і збіты міліцыяй у Бабруйску, у лядовым палацы, за бела-чырвона-белы сцяг на хакейным матчы моладзевых зборных Беларусі і ЗША.

Удзельнік мітынгу супраць вынікаў прэзідэнцкіх выбараў 19 снежня 2010 г. у Мінску, за што быў пакараны — атрымаў 12 сутак адміністрацыйнага арышту.

16  студзеня 2011 г. у Магілёве ўдзельнічаў у пікеце салідарнасці з палітзняволенымі.

17 студзеня 2011 г. затрыманы ў Магілёве, падчас здачы сесіі ў магілёўскім універсітэце, за ўдзел у спробе падпалу будынка бабруйскага аддзялення КДБ у ноч з 16 на 17 кастрычніка 2010 г. У бок будынка былі кінутыя бутэлькі з запальнай сумессю. Яны разбіліся каля дзвярэй і сцяны будынка, якія закуродымілася. Напад меў на мэце псіхалагічна паўплываць на супрацоўнікаў КДБ. Нападнікі хацелі правесці серыю такіх акцый, яшчэ ў Баранавічах і Маладзечне.

Першапачаткова матэрыяльная шкода была ацэнена ў памеры 80 тысячаў рублёў, затым яна павялічылася да аднаго мільярда рублёў.

Абвінавачванне прад'яўлена па артыкуле 339 ч. 2 (злоснае хуліганства) і артыкуле 218 ч.3 (наўмыснае знішчэнне або пашкоджанне маёмасці ў асабліва буйных памерах) КК РБ.

Падчас суда Я. Васьковіч сцвярджаў, што атаку на будынак КДБ яны зладзілі ў знак пратэсту супраць незаконнага зняволення анархістаў Ігара Аліневіча, Мікалая Дзядка і Аляксандра Францкевіча. Хаця сам сябе анархістам ён не лічыў. На судзе Я. Васьковіч прамаўляў па-беларуску, быў апрануты ў майку з надпісам «Жыве Беларусь!».[1]

18 мая 2011 г. судом Бабруйскага раёна і г. Бабруйска Я. Васьковіч быў асуджаны разам з студэнтам філіяла Беларускага дзяржаўнага эканамічнага ўніверсітэту ў Бабруйску Арцёмам Пракапенкам і навучэнцам хіміка-тэхналагічнага тэхнікуму ў Бабруйску Паўлам Сырамолатавым на 7 гадоў пазбаўлення волі ў калоніі ўзмоцненага рэжыму.[2]

14 ліпеня 2011 г. Магілёўскі абласны суд разгледзеў касацыйную скаргу, пададзеную Я. Васьковічам на рашэнне бабруйскага суда і пастанавіў — пакінуць прысуд у сіле.[3]

Спачатку адбываў пакаранне ў калоніі № 15 г. Магілева. 12 кастрычніка 2011 г. за шматлікія «парушэнні» правілаў унутранага распарадку пераведзены на больш жорсткі рэжым — у Магілёўскую турму № 4. Там шмат разоў трапляў у штрафны ізалятар, у якім правёў 360 сутак. 12 кастрычніка 2014 г., пасля трохгадовага знаходжання ў турме, быў зноў пераведзены ў калонію №15 у Магілёве. Не пагаджаўся пісаць прашэнне аб памілаванні да А. Лукашэнкі.

У кастрычніку 2011 г. беларускія праваабаронцы прызналі Я. Васьковіча, А. Пракапенку і П. Сырамалотава палітвязнямі з-за празмернага для іх дзеянняў пакарання.[4]

22 жніўня 2015 г. вызвалены з магілёўскай калоніі на падставе ўказу А. Лукашэнкі аб памілаванні разам з іншымі палітычнымі зняволенымі М. Статкевічам,

І. Аліневічам, М. Дзядком, А. Пракапенкам, Ю. Рубцовым.[5]

Пасля вызвалення ўступіў у арганізацыю «Малады фронт», займаецца рэгіянальнай дзейнасцю.[6] 9 снежня 2017 г. Я. Васьковіч быў абраны старшынём грамадскага аб'яднання «Малады фронт» падчас дзясятага з’езда арганізацыі, які прайшоў у Мінску[7].

24 красавіка 2016 г. на Я. Васьковіча быў складзены пратакол па арт. 23.34 ч.1 КаАП за парушэнне закона аб масавых мерапрыемствах. Хаця насамрэч ён як журналіст «Бабруйскага кур’ера» асвятляў пікет бабруйскіх актывістаў прафсаюзу РЭП, які праходзіў у Слоніме ў падтрымку слонімскага актывіста прафсаюзу РЭП.[8]

14 сакавіка 2017 г. быў асуджаны судом г. Бабруйску на 15 сутак адміністрацыйнага арышту за ўдзел у акцыі пратэсту супраць дэкрэту №3, якая адбылася ў Бабруйску 12 сакавіка 2017 г. У ізалятары абвясціў галадоўку.[9]

Я. Васьковіч пасля жаніцьбы 20 лютага 2016 г. узяў таксама і прозвішча жонкі Александрыны Глаголевай. Зараз фігуруе як Яўген Глаголеў-Васьковіч.

Літаратура[правіць | правіць зыходнік]

  • Palitviazni.info Хронікі беларускіх палітвязняў. - 2013 г. - 282 с.


Спасылкі[правіць | правіць зыходнік]

Зноскі[правіць | правіць зыходнік]

  1. https://www.svaboda.org/a/24494163.html Павал Сырамалотаў. 7 гадоў за бабруйскі КДБ
  2. https://avtonom.org/news/hronika-poslednego-zasedaniya-suda-po-delu-o-podzhoge-bobruyskogo-kgb
  3. https://spring96.org/ru/news/44728
  4. https://news.tut.by/politics/407284.html
  5. https://news.tut.by/politics/461407.html
  6. http://belsat.eu/ru/news/ucheba-puteshestviya-obryvanie-svyazej-kak-zhivut-byvshie-politzaklyuchennye/
  7. novychas.by
  8. https://novychas.by/hramadstva/na-eks-palitvjaznja-vaskovicza-sklali-pratakol-pas На экс-палітвязня Васьковіча склалі пратакол пасля публікацыі пра пікет
  9. https://novychas.by/hramadstva/jauhen-vaskovicz-abavjasciu-haladouku-u-izaljatary Яўген Васьковіч абавясціў галадоўку ў ізалятары