Яўген Мікалаевіч Паўловіч

Яўген Мікалаевіч Паўловіч
Дата нараджэння	28 сакавіка 1940(1940-03-28) (84 гады)
Месца нараджэння	Рудзенск, Рудзенскі пасялковы савет, Рудзенскі раён, Мінская вобласць, БССР, СССР
Грамадзянства	Беларусь
Адукацыя	Беларуская дзяржаўная харэаграфічная гімназія-каледж Беларускі дзяржаўны ўніверсітэт культуры і мастацтваў
Прафесія	артыст балета, музычны педагог, тэатральны рэжысёр
Гады актыўнасці	1959—1979
Тэатр	Нацыянальны акадэмічны Вялікі тэатр оперы і балета
Узнагароды	Заслужаны артыст БССР (1970)

Яўген Мікалаевіч Паўловіч (28 сакавіка 1940, г.п. Рудзенск, Пухавіцкі раён, Мінская вобласць, БССР) — беларускі артыст балета, педагог. Заслужаны артыст Беларусі (1970).

Біяграфія

Скончыў у 1959 годзе Беларускае харэаграфічнае вучылішча, у 1980 годзе Мінскі інстытут культуры. У 1959—1979 гадах саліст, з 1981 рэжысёр оперы Дзяржаўнага тэатра оперы і балета Беларусі, з 1984 года выкладчык Беларускай акадэміі музыкі, з 1995 года дацэнт.

Творчасць

Танцу Паўловіча былі ўласцівы строгае следаванне патрабаванням класічнай формы, мяккая лірычная манера. Сярод лепшых партый: Альберт («Жызэль» А. Адана), Зігфрыд, Дэзірэ і Блакітная птушка («Лебядзінае возера», «Спячая прыгажуня» П. Чайкоўскага), Юнак («Шапеніяна» на музыку Ф. Шапена), Рамэа, Прынц («Рамэа і Джульета», «Золушка» С. Пракоф'ева), Вацлаў («Бахчысарайскі фантан» Б. Асаф'ева), Гармодый («Спартак» А. Хачатурана). У опернай студыі Акадэміі музыкі паставіў оперы «Алеся» Я. Цікоцкага, «Сельскі гонар» П. Масканьі, «Шукальнікі жэмчугу» Ж. Бізэ і інш., кампазіцыю «Мая Кармэн» па оперы «Кармэн» Бізэ.

Літаратура

• Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12).