Яўстах Каятан Сапега

Яўстах Каятан Сапега
польск.: Eustachy Kajetan Sapieha
Нараджэнне	7 жніўня 1797(1797-08-07) Вільня, Віленскі павет, Расійская імперыя
Смерць	4 лістапада 1860(1860-11-04) (63 гады) Парыж, дэпартамент Сена, Францыя
Месца пахавання	Могілкі Манмартр[d]
Род	Сапегі
Бацька	Францішак Сапега
Маці	Пелагея Роза з Патоцкіх[d]
Жонка	Ружа Мастоўская[d] і Mary Bold[d]
Дзеці	Ян Павел Аляксандр Сапега[d] і Марыя Анеля з Сапегаў[d]
Дзейнасць	афіцэр
Узнагароды
Яўстах Каятан Сапега на Вікісховішчы

Яўстах-Каятан Сапега (7 жніўня 1797, Веркі каля Вільні — 16 лістапада 1860) — прадстаўнік роду Сапегаў, сын князя Францішка Сапегі ад яго жонкі графіні Розы (Пелагеі-Розы) Патоцкай.

Біяграфія

У маладосці служыў у расійскай кавалерыі. Падарожнічаў па Еўропе. Натуралізаваўся ў Велікабрытаніі: атрымаў грамадзянства і захаваў княскі тытул, што сталася выключэннем у брытанскім правадаўстве.

Пасля смерці бацькі (1829) атрымаў вялізныя ўладанні ў Беларусі.

У 1830—1831 удзельнічаў у Лістападаўскім паўстанні, быў падпаручнікам у штабе галоўнакамандуючага генерала Яна Скшынецкага, адзначаны залатым крыжам «Віртуці Мілітары». Пасля паражэння паўстання ў эміграцыі ў Францыі. Адхіліў прапанову Мікалая I прыняць канфіскаваныя маёнткі ўзамен за вернападданую прысягу, у выніку чаго музейныя зборы, бібліятэкі і архівы Сапегаў вывезены ў Санкт-Пецярбург. Памёр у Парыжы.

Літаратура

• Paszkiewicz, M. Sapieha Eustachy Kajetan / M. Paszkiewicz // Polski Słownik Biograficzny. — Wrocław etc. : Ossolineum, 1993. — T. XXXIV/4. Zesz. 143 : Sanguszko Dymitr — Sapieha Jan. — S. 597—598.
• Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Беларус. Энцыкл.; Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн.: БелЭн, 2001. — 591 с.: іл. ISBN 985-11-0214-8. С.222—228