Da!Бл…

Da!Бл…
Жанры	панк-рок і грандж
Краіны	Беларусь
Адкуль	Нарач
Мовы песень	беларуская

«Da!Бл…» — беларускі рок-гурт.

Гісторыя

Гурт арганізаваны ў аграгарадку Нарач Мядзельскага раёна Мінскай вобласці, дзвума сябрамі-аднакласнікамі Віктарам Марозам і Віталем Ананько ў 2003 годзе. Доўгі час «каркас» гурта не змяняўся, аднак у складзе гурта пабывалі два бубначы, два бас-гітарысты.

У 2006 годзе гурт перажыў крызіс: калектыў пакінуў Віталь Ананько і бас-гітарыст Іван Міцько, хлопцы згубілі рэпетыцыйную кропку, сапсавалася большая частка апаратуры і бубнач Уладзімір Баркоўскі паехаў вучыцца.

Набываючы новую апартуру, шукаючы новае месца для рэпетыцый і новых удзельнікаў, Віктар Мароз запісаў першы «гаражны» альбом «Пачвара».

На пачатку 2007 года альбом быў завершаны, знайшоўся бас-гітарыст, разам з рэпетыцыйнай кропкай. Усе лета 2007 года гурт займаўся падрыхтоўкай канцэртнай праграмы, але з-за навучання бубнача, змог зайграць колькі канцэртаў толькі ў пачатку 2008 года.

У 2009 годзе на полацкім фестывалі-конкурсе «Ноч Ваукалака» гурт заваяваў адразу два прызы — прыз глядацкіх сімпатый і гран-пры: запіс песні на студыі «Осмас» у Мінску. Такім чынам была запісана першая студыйная песня ў гісторыі гурта — «Мая дзяўчына — наркаман», якая стала «штуршком» для запісу паўнавартаснага студыйнага альбому.

Напрыканцы 2009 года песня гурта «Параноя» выйшла на складанцы «Прэм’ер Тузін 2009».

На працягу 2009—2011 гадлў на вілейскай студыі Аляксея Сяліцкага быў запісаны альбом «Эпоха мод». Дзве акустычныя кампазіцыі, якія ўвайшлі ў гэты альбом («Знак павуцін» і «Снег»), былі запісаны ў Маладзечне, пры падтрымцы Максіма Баслыка. 11 чэрвеня 2011 года альбом «Эпоха мод» пабачыў свет інтэрнэт-рэлізам разам з жывой прэзентацыей у Вілейцы.

У 2011 годзе гурт прыняў удзел у восьмым выданні акустычнага праекта інтэрнэт-партала «Тузін Гітоў» «Unplugged».

Спявае гурт з самага пачатку на беларускай мове, стыль і напрамак — панк-рок і грандж, з уплывам іншых музычных накірункаў.

Удзельнікі

• Віктар Мароз — спеў (2003—н. ч.)
• Віталь Ананько — гітара (2003—2006)
• Іван Міцько — бас-гітара (2003—2006)
• Уладзімер Баркоўскі — барабаны (2003—2006)

Дыскаграфія

Альбомы

• «Пачвара» (магнітаальбом, 2006)
• «Эпоха мод» (2011)

Складанкі

• «Прэм’ер Тузін 2009» (2009)

Узнагароды

• Прыз глядацкіх сымпатый на фестывалі «Ноч Ваукалака» (2009, Полацк)
• Гран-пры на фестывалі «Ноч Ваукалака» (2009, Полацк)

Спасылкі

• Da!Бл… «Мая дзяўчына — наркаман» на YouTube