Броўнік аднаклубневы

Броўнік аднаклубневы
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Спаржакветныя Сямейства:  Архідныя Падсямейства:  Orchidoideae Трыба:  Orchideae Падтрыба:  Orchidinae Род:  Броўнік Від:  Броўнік аднаклубневы
Міжнародная навуковая назва
Herminium monorchis (L.) R.Br., 1813
Сінонімы
Arachnites monorchis (L.) Hoffm. Epipactis monorchis (L.) F.W.Schmidt Herminium alaschanicum var. tanguticum Maxim. Herminium clandestinum Gren. & Godr., nom. illeg. Herminium tanguticum (Maxim.) Rolfe Monorchis herminium O.Schwarz Ophrys herminium Gren., nom. inval. Ophrys monorchis L. Ophrys triorchis St.-Lag. Orchis herminium Gren., nom. inval. Orchis monorchis (L.) Crantz Orchis monorchis (L.) All. Satyrium monorchis (L.) Pers.
Сістэматыка на Віківідах Выявы на Вікісховішчы NCBI   431298 EOL   1099756 IPNI   638624-1 TPL   kew-98526

Броўнік аднаклубневы (Herminium monorchis) — кветкавая травяністая расліна роду Броўнік (Herminium) сямейства Архідныя (Orchidaceae).

Апісанне

Батанічная ілюстрацыя з кнігі К. А. М. Ліндмана «Bilder ur Nordens Flora», 1917—1926

Шматгадовая расліна з голым, амаль бязлістым сцяблом вышынёй 8—25 см і шарападобным клубнем. Лісце ланцэтнае ці прадаўгавата-ланцэтнае па 2—3 у ніжняй частцы сцябла. Кветкі дробныя, жаўтавата-зялёныя, з моцным мядовым пахам, сабраны ў падоўжанае, шматкветкавае коласападобнае суквецце. Лісцікі калякветніка ў выглядзе шлема. Губа з кароткім мяшэчкападобным шпорцам. Завязь сядзячая, скручаная. Плод — сухая каробачка з дробным насеннем.

Пашырэнне

Рэліктавы еўразійскі падтаежна-горны від. Агульны арэал складаецца з заходнееўрапейскага, скандынаўскага і ўсходнееўрапейска-сібірскага фрагментаў, якія працягнуліся дугападобнай палосай ад Дняпра да Далёкага Усходу. Асобныя эксклавы існуюць на поўдні Вялікабрытаніі, на Балканах, Каўказе, у Карпатах, на Тыбеце, Гімалаях, Цянь-Шані і на ўсходзе Кітая і Японіі. На тэрыторыі Беларусі сустракаецца ў ізаляваных лакалітэтах і астраўных участках росту на заходняй мяжы ўсходнееўрапейска-сібірскага фрагмента арэала.

Асаблівасці біялогіі

Святлолюбівая, ценевынослівая расліна, мезафіт і мезатроф. Расце па берагах вадаёмаў, у прыбярэжных хмызняках, узлесках і палянах, лугах і балотах, каля дарог. Цвіце ў чэрвені—ліпені. Размнажаецца вегетатыўна і насеннем.

Літаратура

Гэты від занесены ў Чырвоную кнігу Беларусі і ахоўваецца законам.  I катэгорыя (CR)

• Чырвоная кніга Рэспублікі Беларусь: Рэдкія і тыя, што знаходзяцца пад пагрозай знікнення віды жывёл і раслін. — Мн.: БелЭн, 1993. ISBN 5-85700-095-5

Спасылкі

• Бровник одноклубневый: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Herminium monorchis (L.) R.Br. (Бровник одноклубневый) у базе біяразнастайнасці на сайце інфармацыйна-аналітычнай сістэмы «ООПТ России». (руск.)