Vinsent

З пляцоўкі Вікіпедыя
Jump to navigation Jump to search
Vinsent
Vinsent 3.jpg
Асноўная інфармацыя
Поўнае імя Дзмітрый Уладзіміравіч Папко
Дата нараджэння 3 кастрычніка 1988(1988-10-03) (32 гады)
Месца нараджэння
Краіна Беларусь
Альма-матар
Музычная дзейнасць
Прафесіі спявак, акцёр, перакладчык
Гады актыўнасці 2009-па сённяшні дзень
Інструменты голас[d]
Жанры Хіп-хоп
Рок
Commons-logo.svg Выявы на Вікісховішчы

Vinsent (сапраўднае імя — Дзмітрый Уладзіміравіч Папко; нарадзіўся 3 кастрычніка 1988 года) — беларускі музыкант і акцёр.

Творчы шлях[правіць | правіць зыходнік]

Музыка[правіць | правіць зыходнік]

У 2009 годзе артыст выдаў дэбютны альбом «Пачатак»[2]. Пасля выдання адбылася прэзентацыя альбома. Пасля выдання дэбютнага альбома былі знятыя відэакліпы на дзве песні з дыска: «Працягваю жыць» і «Восеньскі вальс». Неўзабаве пасля выдання альбома, артыст пачаў канцэртаваць па гарадах Беларусі. Кліп на песню «Восеньскі вальс», зняты Змітром Карначыкам і Алесем Меліхаўцом, атрымаў узнагароды «Street Awards» і «Кліп-марафон»[3] за найлепшы кліп года.

У 2010 годзе Vinsent выдае сінгл «Слава Героям!», напісаны па матывах рамана Уладзіміра Караткевіча «Каласы пад сярпом тваім». Героямі песні з’яўляюцца Алесь Загорскі і Кастусь Каліноўскі. Тэкст пабудаваны ў выглядзе перапіскі паміж героямі.

З 2011 года артыст выступае з жывым складам музыкаў. Пачынае эксперыментаваць, змешваючы хіп-хоп з рокам і джазам. Vinsent гастралюе па міжанародных фестывалях у Беларусі, Польшчы, Літве, Украіне.

У 2011 годзе выходзіць «Жывы DVD». Аснову DVD складае новае відэа, зробленае на клубных канцэртах, а таксама справаздачы з міжнародных фестываляў. У дадатак да гэтага дыск змяшчае канцэртныя аўдыёзапісы, інтэрв’ю, сумесныя трэкі, тэксты ды фотаздымкі[4].

У 2012 годзе Vinsent выдае сінгл і кліп «Ні кроку назад»[5], які з’яўляецца саўндтрэкам да фільма «Вышэй за неба».

Vinsent мае сумесныя працы: сінгл «Развага» (2010) з гуртом :B:N:, сінгл «Дай сілы!» (2011) з гуртом IQ48[4].

У 2015 годзе выдаецца новы альбом «Vir», які змяшчаў 10 новых трэкаў. На песню «Жывы» быў зняты кліп.[6]

У кастрычніку 2017 года музыка прыняў удзел у складанцы (Не) расстраляная паэзія, запісаўшы песню «Метрапалітэн». Тэкст песні быў напісаны на аснове верша забітага ў 1937 г. беларускага паэта Зямы Піваварава[7].

Кіно[правіць | правіць зыходнік]

У 2013 адбылася прэм’ера фільма «Жыве Беларусь», у якім акцёр Дзмітрый «Вінсэнт» Папко сыграў галоўную ролю Мірона Захаркі.

У 2013 адбылася прэм’ера фільма «Вышэй за неба», у якім акцёр Дзмітрый «Вінсэнт» Папко сыграў ролю Макса[4]. Ідэйным натхняльнікам і сурэжысёрам фільма з’яўляецца драматург Андрэй Курэйчык.

Дыскаграфія[правіць | правіць зыходнік]

Альбомы[правіць | правіць зыходнік]

DVD і кампіляцыі[правіць | правіць зыходнік]

  • «Жывы DVD» (2011)

EP і сінглы[правіць | правіць зыходнік]

  • «Слава Героям!» (2010)
  • «Веру» (2010)
  • «Ні кроку назад» (2012)
  • «Ток» (2013)
  • «Жывы» (2015)[8]
  • «Не пакіну» (2020)[9]

Сінглы ў супрацы з іншымі выканаўцамі[правіць | правіць зыходнік]

  • «Развага», сумесна з гуртом :B:N: (2010)
  • «Дай сілы!», сумесна з гуртом IQ48 (2011)

Відэакліпы[правіць | правіць зыходнік]

  • «Працягваю жыць» (2009)
  • «Восеньскі вальс» (2010)[10]
  • «Ні кроку назад» (2012)
  • «Жывы» (2015)

Фільмаграфія[правіць | правіць зыходнік]

  • «Жыве Беларусь» (2013) — Мірон Захарка
  • «Вышэй за неба» (2013) — Макс

Зноскі

  1. выгрузка даных FreebaseGoogle.
  2. 2,0 2,1 Vinsent «Пачатак» / Experty.by
  3. Вольга Коршун. Лірыка ў рытме рэпу // Чырвоная змена. — № 18 (15621). — С. 2.
  4. 4,0 4,1 4,2 Vinsent: «Можна быць чалябінцам, а можна — эўрапейцам» (бел.) . Радыё Свабодная Еўропа/Радыё Свабода (23 лістапада 2012). Архівавана з першакрыніцы 10 красавіка 2020. Праверана 10 красавіка 2020.
  5. ВІДЭА ПРА МЕНСК, КАХАНЬНЕ І МЭТАФАРЫЧНУЮ ВАЙНУ / Tuzin.fm
  6. 6,0 6,1 Vinsent выдаў першы за 5 лет альбом (+слухаць/+спампаваць) / experty.by
  7. https://tuzinfm.by/performer/mp3/3983/metrapaliten.html
  8. VINSENT: «ГАЛОЎНАЕ — ВЕРЫЦЬ У СВАЕ СІЛЫ» (АЎДЫЁ/ВІДЭА) / Tuzin.fm
  9. https://www.youtube.com/watch?v=rRCh-8EWW8k&ab_channel=vinsentmusic
  10. ТГ Vinsent: «Такі кліп, як мой, каштуе 2000 даляраў» (бел.) . Тузін Гітоў (2 лютага 2010). Архівавана з першакрыніцы 14 лютага 2010. Праверана 30 сакавіка 2020.