X Рэспубліканскі фестываль нацыянальных культур
X Рэспубліканскі фестываль нацыянальных культур | |
---|---|
Дата(ы) | 6—7 чэрвеня |
Месца(ы) правядзення | Гродна |
Жанр(ы) | Фальклор |
X Рэспубліка́нскі фестыва́ль нацыяна́льных культу́р адбыўся 6 і 7 чэрвеня 2014 года ў беларускім Гродне.[1] На фестываль у Гродне прыехалі больш за паўтары тысячы ўдзельнікаў і гасцей.
Удзельнікі[правіць | правіць зыходнік]
Фестывалю папярэднічалі два гады працы арганізатараў і рэспубліканскага журы. Працы распачалася канцэртам у Белдзяржфілармоніі, ва ўсіх абласцях і горадзе Мінску прайшлі адборачныя туры. У выніку прафесійнае журы назвала калектывы мастацкай творчасці і асобных артыстаў, народных майстроў і кулінараў, якія прымуць удзел у фінале фестывалю. Усяго праз адборачныя туры прайшло больш за дзве тысячы чалавек. У фінал трапілі 900 прадстаўнікоў 35 нацыянальнасцей. У фінальных мерапрыемствах юбілейнага фестываля прынялі ўдзел каля 850 артыстаў, арганізаваны нацыянальныя падворкі, праведзены конкурс прыгажосці сярод прадстаўніц нацыянальных аб’яднанняў. На фестывалі у Гродне свае песні, танцы, кухню прэзентавалі прадстаўнікі 35 са 140 нацыянальнасцей, якія пражываюць на тэрыторыі Беларусі, у тым ліку кабардзіна-балкары, мардвяне, іспанцы, венесуэльцы і індыйцы.[2]
Мерапрыемтвы[правіць | правіць зыходнік]
Фестываль доўжыўся тры дні. 6 чэрвеня вечарам адбылася афіцыйная цырымонія адкрыцця, якая распачалася шэсцем удзельнікаў ад Савецкай плошчы да плошчы Леніна. Другі дзень фестывалю, 7 чэрвеня, быў прысвечаны нацыянальным падворкам, кожны з якіх падрыхтаваў сваю праграму. Каля 60 святочных мерапрыемстваў прайшлі на канцэртных пляцоўках на плошчах Леніна і Савецкай, у парку імя Жылібера, у абласным драматычным тэатры. Элементам свята стала праграма для моладзі «Энергія старажытных вуліц», мерапрыемствы якой прайшлі ў розных частках горада. Упершыню ў Гродне прайшло шоу-прэзентацыя нацыянальных строяў, закладзена Алея сяброўства, усталяваны памятны знак на месцы страчанага храма — Фары Вітаўта. На фестывалі выступілі калектывы з гістарычнай радзімы прадстаўнікоў нацыянальна-культурных аб’яднанняў, арганізаваны шматнацыянальны рок-канцэрт, прайшло свята нацыянальнага тэатральнага мастацтва. У канцэртных праграмах прынялі ўдзел беларускія выканаўцы, якія маюць карані іншых нацыянальнасцей: Гюнеш, Іскуі Абалян, Іван Буслай. Спецыяльнымі гасцямі фестывалю сталі Леў Лешчанка , групы «Вінтаж », «Чынгісхан » і «ТіК» з Украіны.
Меркаванні[правіць | правіць зыходнік]
Гэты фестываль — знакавая падзея для нашага горада. Складана падабраць словы, каб апісаць гэтае неверагоднае свята. Ныраючы з аднаго падворка ў другі, вы падарожнічаеце з краіны ў краіну. Вы чуеце адну мову, паварочваеце за рог — а там ужо размаўляюць на іншай. Прыемна, што з кожным годам кола ўдзельнікаў фестывалю пашыраецца. Мы стараемся максімальна задаволіць іх запыты, падрыхтаваць пляцоўкі, каб прадстаўнікі ўсіх нацыянальнасцей маглі прадставіць сваю культуру, пачынаючы ад танцаў і песень і заканчваючы рамесніцтвам і нацыянальнай кухняй. намеснік начальніка аддзела ідэалагічнай работы, культуры і па справах моладзі Гродзенскага гарвыканкама Аляксандр Вайтуляніс
|
Галерэя[правіць | правіць зыходнік]
Зноскі
- ↑ X Рэспубліканскі фестываль нацыянальных культур пройдзе ў Гродне . Партал выдавецкага дома «Звязда» (10 студзеня 2014). Праверана 15 мая 2017.
- ↑ "Суквецце культур". Беларусь Сегодня. 22 мая 2014. Праверана 2019-11-10.
Спасылкі[правіць | правіць зыходнік]
- На Вікісховішчы ёсць медыяфайлы па тэме X Рэспубліканскі фестываль нацыянальных культур
- X Рэспубліканскі фестываль нацыянальных культур у Гродне Архівавана 10 лістапада 2019. на афіцыйным сайце Беларусі