ФК Эспаньёл

Эспаньёл
Поўная назва	Real Club Deportivo Español de Barcelona
Заснаваны	28 кастрычніка 1900
Горад	Барселона, Іспанія
Стадыён	Эстадзі Карнелі Эль Прат Умяшчальнасць: 40 500
Прэзідэнт	Чэнь Яньшэн[d]
Галоўны трэнер	Manolo González[d]
Чэмпіянат	Ла Ліга
2018/19	7 месца
Сайт	rcdespanyol.com (катал.)​ (ісп.)​ (англ.)​ (кіт.)
Асноўная форма Гасцявая форма Рэзервовая форма

«Эспаньёл» (катал.: Reial Club Deportiu Espanyol de Barcelona, ісп.: Real Club Deportivo Español de Barcelona) — іспанскі футбольны клуб, што ўваходзіць у спартыўную сістэму «Эспаньёл», дзе акрамя яго ёсць яшчэ і жаночы футбольны клуб, мужчынскі і жаночы баскетбольныя клубы, хакейны клуб, клуб жаночага валейбола і бейсбольны клуб. Размяшчаецца ў горадзе Барселона. Хатнія гульні праводзіць на стадыёне «Эстадзі Карнелі Эль Прат», што можа змясціць 40 500 гледачоў. Стадыён быў уведзены ў эксплуатацыю 2 жніўня 2009 года пераможным матчам над «Ліверпулам». «Эспаньёл» з’яўляецца шостым футбольным клубам Іспаніі па агульнай колькасці балаў у чэмпіянатах краіны, але клуб заўсёды знаходзіцца ў ценю галоўнай каманды горада «Барселоны», саступаючы ў дасягненні і папулярнасці.

Гісторыя

Клуб быў заснаваны 28 кастрычніка 1901 года іспанскім інжынерам з Барселонскага ўніверсітэта Анхелем Радрыгесам. Спачатку каманда звалася як «Саюз іспанскіх футбалістаў» (ісп.: Sociedad Española de Footbal), але на наступны год каманда пачала звацца «іспанскі футбольны клуб» (ісп.: Club Español de Fútbol), бо то была першая каманда сфарміраваная выключна іспанскімі аматарамі.

«Эспаньёл» гуляў спачатку ў жоўтых кашулях, але колер шортаў у кожнага футбаліста быў розным. Праз нейкі час сябар клуба адчыніў тэкстыльную фабрыку і пачаў забяспечваць каманду жоўтай тканінай. У 1910 годзе каманда зноў змяніла імя на «Спартыўны клуб Іспаніі» (ісп.: Club Deportivo Español) і пераапранулася ў вопратку бела-сіняга колеру.

Сіні і белы быў абраны ў гонар колераў, якія выкарыстоўваюцца гербам вялікага сіцылійска-арагонскага адмірала Ражэ дэ Льюрыя, які каманд флоту Арагонскага каралеўства ў Міжземнамор’і ў Сярэдневякоўі. Клуб паспяхова выступаў ад самага свайго заснавання, атрымаўшы перамогу ў чэмпіянаце Каталоніі ў 1903 годзе, а пасля прыняўшы ўдзел у розыгрышу Кубка Іспаніі.

У 1906 годзе клуб быў скасаваны паводле фінансавых чынніках і большасць ігракоў далучыліся да клуба «X Спортынг Клуб». Гэты клуб атрымаў перамогу ў чэмпіянаце Каталоніі тры разы паміж 1906 і 1908 гадамі. У 1909 годзе гэты клуб стаў базавым для аднаўлення клуба «Спартыўны клуб Іспаніі». «Эспаньёл» з’яўляецца адным з некалькіх іспанскіх футбольных клубаў, якія маюць заступніцтва іспанскай кароны і тым самым маюць права выкарыстоўваць слова «Рэал» у сваёй назве і выяву каралеўскай кароны на эмблеме. Гэтае права было прадастаўлена «Эспаньёлу» ў 1912 годзе Альфонса XIII.

Пасля адмовы ад стальца Альфонсам XIII у 1931 годзе і абвяшчэння Другой іспанскай рэспублікі, у сувязі з забаронай каралеўскіх сімвалаў, клуб прыняў каталонскае імя «Эспортыю Эспаньёл» (катал.: Esportiu Espanyol). Пасля грамадзянскай вайны ў Іспаніі, клуб вярнуў сабе назву «Каралеўскі клуб спорту Іспаніі» (ісп.: Real Club Deportivo Español).

Дасягненні

• Уладальнікі Кубка Іспаніі (4):
  • 1929, 1940, 2000, 2006

• Фіналіст Кубка УЕФА (2):
  • 1988, 2007

Розная інфармацыя

• З 1994 года існуе «Эспаньёл B»
• Нумар 21 назаўсёды прыналежыць загінуўшаму капітану клуба Даніэлю Харке

Склад

Станам на жнівень 2019 года.

№ Паз. Імя Нар. 1 Бр Андрэс Прыета 1993 2 Аб Гансала Авіла Гардон 1998 3 Аб Адрыя Педроса 1998 4 ПА Віктар Санчэс 1987 5 Аб Налду 1988 6 Аб Льюіс Лопес 1997 7 Нап Борха Іглесіяс 1993 8 ПА Андэр Ітураспэ 1989 9 Нап Факунда Ферэйра 1991 10 ПА Серхі Дардэр 1993 11 Нап Хаві Пуада 1998 12 Аб Дыдак Віла 1989

№ Паз. Імя Нар. 13 Бр Дыега Лопес 1981 14 ПА Оскар Меленда 1997 15 ПА Давід Лопес 1989 16 Аб Хаві Лопес 1986 18 ПА Алекс Лопес 1997 19 ПА Пабла П’яці 1989 20 Аб Бернарда Эспіноса 1989 21 ПА Марк Рока 1996 22 ПА Маціяс Варгас 1997 23 ПА Эстэбан Гранера 1987 24 Нап У Лэй 1991 Аб Фернанда Калера 1995

Спасылкі

• На Вікісховішчы ёсць медыяфайлы па тэме ФК Эспаньёл
• Афіцыйны сайт (ісп.) (англ.)
• «Эспаньёла» ў сацыяльнай сетцы «Facebook»
• «Эспаньёл» ў сацыяльнай сетцы «Twitter»
• Канал «Эспаньёла» на YouTube
• Афіцыйны сайт жаночага КСК «Эспаньёл» (ісп.)